________________
TXFAR FRITTITRAFTTT
यामहिमणिमित्तं सयइंदाणत्चीहिं अप्पप्पणोणिउगेहिं णिउत्ता देवसंघा मिलंति, विज्जुम्मालीजक्खस्स य आउज्जणिओगो पडहमणिच्छंतो बला आणिओ, देवसंघस्स य दूरत्थो आउज्जं वायैतो णाइलदेवेण दिट्ठो, पुवाणुरागेण तप्पडिवोहणत्थं च णाइलदेवो तस्स समीवं गओ, तस्स य तेयं असहमाणो पडहमंतरे देति णाइलदेवेण पुच्छिओ मं जाणसित्ति ? विज्जुमालिणा भणियं को तुम्मे सकाइए इंदे ण याणति, देवेण भणियं - परभवं पुच्छामि णो देवत्तं विज्जुमालिणा भणियं ण जाणामि ते, ततो देवेण भणिय-अहं ते परभवे चंपाए नगरीए वयंसओ आसी णाइलो णाम, तुमे तया मम वयणं न कयं ते अप्पडिएमु उववण्णो, तं एवं गएवि जिणपणीयं धम्मं पडिवज्ज, धम्मो से कहिओ पडिवण्णो य, ताहे सो विज्जुपाली भणेइ इदाणिं किं मया कायचं ? अच्चुयदेवेण भणियं - बोहिणिमित्तं जिणपडिमावतारणं करेहि, तओ सो विज्जुमाली अट्ठाहियमहे वत्ते गंतुं चुल्लहिमवंतं गोसीसदारुमयं पडिमं देवयाणुभावेण णिवत्तेति, रयणविचित्ताभरणेहिं सवालंकारविभूसियं करेति, अण्णस्स य गोसीसचंदणदारुस्स मज्झे पक्खिवति चितेति य कत्थिमं णिवेसेमि, इओ य समुद्दे वणियस्स वहणं दुव्वाउणा गहियं डोल्लति तस्स य डोलायमाणस्स छम्मासो वट्टति, सोय वणिओ भीउविगो धूवकच्छु हत्थो इट्ठदेश्याणमोकारपरो अच्छति,विज्जुमालिणा भणियं भो भो मणुया अज्ज पभाए इमं ते जाणपत्तं वीयभए नगरे कूलं पाविहिति इमं च गोसीसचंदणदारुं पुरजणवयं उद्दायणं च रायाणं मेलेडं भणिज्जासि एत्थ देवाहिदेवस्स पडिमं करिज्जह एसा देवाणत्ती, तओ देवाणुभावेण नावा पत्ता वीयभयं नगरं, तओ वणिओ अग्धं घेत्तुं गओ रायसमीवं भणियं च तेण इत्थ गोसीसचंदणे देवाधिदेवस्स पडिमा कायव्वा सवं जहावत्तं वणिएण रण्णो कहियं गओ वणिओ, रण्णावि पुर चाउवेज्जे मेलिउं अक्खियं अक्खा
