________________
सयाओ गिहामी पडिनिक्खमति २ रायगिह नगरं मझमज्झेणं निगच्छइ २त्ता जेणेव पुप्फारामे तेणेव उवागच्छइ २ बंधुम| इर भारियाए सद्धिं पुप्फुच्चयं करेइ । तए णं तीसे ललियाए गोट्ठीए छ गोहिल्ला पुरिसा जेणेव मोग्गरपाणिस्स जक्खस्स जक्खाययणे तेणेव उवागता अभिरममाणा चिटुंति । तए णं से अज्जुणए मालागारे बंधुमइए भारियाए सद्धिं पुप्फुच्चयं करेइ २ पच्छियाई भरेइ २ अग्गाई वराई पुप्फाई गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ । तते णं छ | गोहिल्ला पुरिसा अज्जुणय मालागार बधुमतीए भारियाए सद्धि एजमाणं पासंति २ ता अण्णमणं एवं वयासी-एस ण देवाणुप्पिया! अज्जुणए मालागारे बंधुमईए भारियाए सद्धिं इहं हवमागच्छति, तं सेयं खलु देवाणु० अम्हं अज्जुणयं मालागारं अवओडयबंधणय करित्ता बंधुमईए भारियाए सद्धि विउलाई भोगभोगाई भुंजमाणाणं विहरित्तएत्तिकट्ट एयमढे अण्णमण्णस्स पडिसुणेति २ कवाडंतरेसु निलुक्कंति, निच्चला निष्फंदा तुसिणीया एच्छण्णा चिट्ठति । तए णं से अज्जुणए मालागारे बंधुमईए भारियाए सद्धि जेणेव मोग्गरपाणिस्स जक्खस्स जक्खाययणे तेणेव उवागच्छइ २ ता आलोए पणामं करेइ २ महरिहं पुप्फच्चणं करेइ जण्णुपायपडिए पणाम करेइ । तए णं ते छ गोहिल्ला पुरिसा दवदवस कनाडतरेहितो निग्गच्छंति २ अज्जुणयं मालागारं गेहंति, अवओडगबंधणं करेंति, बंधुमतीए मालागारीए सद्धिं विउलाई भोगभोगाई भुंजमाणा विहरति । तस्स णं अज्जुणयस्स मालागारस्स अयं अज्झथिए ४, एवं खलु अहं बालप्पभिति चेव मोग्गरपाणिस्स भगवओ कल्लाकलिंजाव कप्पेमाणे विहरामि, तं जइणं मोग्गरपाणी जक्खे इहं सष्णिहिए होते तए से णं किं मर्म एयारूवं आवई पावेज्जमाणं पासति ? त नत्यि णं मोग्गरपाणी जक्खे इह सण्णिहिए सुबते णं एस कट्ठ। तए णं से मोग्गरपाणी जक्खे अज्जु
感出来的米米米米
