________________
संवेगरंगसाला
आराधनास्वरूपम्
॥४८॥
ता तीए उत्तरोत्तर-पगिट्ठयारोहणेण पइसमयं । अप्पा विसिट्ठकिच्चेसु, निच्चसो संठवेयव्यो
।।५८५॥ एवं च इमं मणुयत्तणं पि, विहलं न होइ संपत्तं । जिणसमयपसिद्धक्कम-१कमढस्स व दंसणं ससिणो ॥५८६॥ कयमेत्थ पसंगणं, नाणस्स य दंसणस्स चरणस्स । तवसो य णिरइयारं, कीरइ आराहणं जीए ॥५८७।। सा चउखधा आराहणेह, भण्णइ इमा य दुविगप्पा । सामनविसेसवसा, तत्थ य सामनओ भणिमो ॥५८८।। जो जत्थ सुए पढणाइ - अवसरो तस्स तत्थ चेव सया । विणएण सबहुमाणं, उवहाणपुरस्सरं तह य ॥५८९॥ जं जत्तो य अहीयं, तस्स तओ धुवमनिण्हवणपुव्वं । सुत्तत्थतदुभयोणं, अणनहाकरणओ तह य ॥५९०॥ जा सुटु वायणा पुच्छ–णा य परियट्टणा परूवणया । तस्सेव य परमेगग्ग-याए अणुपेहणा जा य ॥५९१॥ जा उ य दिया राओ य, वा वि एगस्स परिसुवगयस्स । अह सुहपसुत्तगस्स य, जागरमाणस्स अहवा वि ॥५९२॥ उद्धद्वियस्स अहवा, अह व निसन्नस्स अह निवन्नस्स । कत्थइ थिरस्स चलिरस्स, वा वि अह खलियपडियस्स ॥५९॥ सुत्थस्स दुत्थियस्स य, सक्सस्स परव्वसस्स य तहेव। छीए य वियंभणे खास-णे य, अहवा वि किंबहुणा ॥५९४॥ जह वा तह वा परिसंठियस्स, अणुवस्यचित्तवित्तिस्स । तग्गहणधारणापार-तंतवित्तीउ तत्तण ॥५९५॥ सम्मन्नाणगुणड्ढेसु, पुरिसरयणेसु जं च निच्चं पि । भत्तिबहुमाणकरण, सन्नाणाराहणा एसा ॥५९६॥ जा पुण सरूवगुविलत्तणेण, दुक्खोवलक्खणिज्जेसु । जीवाजीवप्पमुहेसु, सव्वसम्भूयभावेसु
॥५९७॥ १ कच्छपस्य ।
॥४८॥
