________________
संवेगरंगसाला
ग्रन्थकर्तृगुदीनां नामादिवर्णनम् ।
॥७६८॥
अच्चतं सरले चिय, अपुव्ववंसम्मि परिवहंतम्मि । जाओ य वइरसामी, महापभू परमपयगामी ॥१००३३॥ तस्साहाए निम्मल-जसधवलो सिद्धिकामलोयाणं । सविसेसवंदणिजो य, रायणा थो(थेरप्पवग्गो व्व ॥१००३४॥ कालेणं संभूओ, भयवं सिरिवद्धमाणमुणिवसभो। निप्पडिमपसमलच्छी-विच्छड्डाऽखंडभंडारो
मपसमलच्छो-विच्छड्डाऽखंडभंडारो ॥१००३५॥ ववहारनिच्छयनय व्व, दव्वभावत्थय व्व धम्मस्स । परमुन्नइजणगा तस्स, दोणि सीसा समुप्पण्णा ॥१००३६।। पढमो सिरिसूरिजिणेसरो ति, सूरो व्व जम्मि उइयम्मि । होत्था पहाऽवहारो, दूरंततेयस्सिचकस्स ॥१००३७॥ अन्ज वि य जस्स हरहास-हंसगोरं गुणाण पब्भारं । सुमरंता भव्वा उव्व-हंति रोमंचमंगेसु ॥१००३८॥ बीओ पुण विरइयनिउण-पवरवागरणपमुहबहुसत्थो। नामेण बुद्धिसागर-भूरि त्ति अहेसि जयपयडो ॥१००३९॥ तेसि पयपंकउच्छंग-संगसंपत्तपरममाहप्पो । सिस्सो पढमो जिणचंद-मूरिनामो समुप्पन्नो ॥१००४०॥ अन्नो य पुनिमाससहरो ब्व, निब्ववियभव्यकुमुयवणो। सिरिअभयदेवसरि त्ति, पत्तकित्ती परं भुवणे॥१००४१॥ जेण कुबोहमहारिउ-विहम्ममाणस्स नरवइस्सेव । सुयधम्मस्स दढत्त, निव्वत्तियमंऽगवित्तीहि ॥१००४२॥ तस्सऽभत्थणवसओ, सिरिजिणचंदेण मुणिवरेण इमा। मालागारेण व उ-चिणित्तु वरवयणकुसुमाई ॥१००४३॥ मूलसुयकाणणाओ, गुथित्ता निययमइगुणेण दढ । विविहऽत्थसोरभभरा, निम्मवियाऽऽराणामाला ॥१००४४॥ एयं च समणमहुयर-हिययहरं अत्तणो सुहनिमित्तं । सव्वाऽऽयरेण भव्वा, विलासिणो इव निसेवंतु ॥१००४५॥
॥७६८॥
