________________
संवेगरंगसाला
धर्मदेशना
॥३६॥
आवयणिबंधणाए संमोहकरीए एगमवियाए । सरयम्भं व चलाए, विहलो तीए वि परितोसो ॥४३॥ जं पि य कहंपि संपइ, इछवियोगाइ नावडइ दुवखं । कि एत्तियमेत्तेण वि, तस्साभावो सया जातो ॥४३४॥ जम्हा सिद्धे मोत्तुं, अन्नो सो नत्थि तिहुयणे वि जणो । सारीरमाणसाई, जस्स वियंभंति न दुहाई ॥४३५॥ एत्तो च्चिय मुणिवसभा, सव्वं संग विवजिउंदरे । अब्भुजमन्ति भवभीरु-माणसा मोक्खसोखत्थं ॥४३६।। जइ पुण इट्टवियोगाइ, नेव थेवं पि होज इह दुक्खं । तो नो करेज दुक्कर-तवचरणं को वि मोक्खकए ॥४३७॥ एयं च चिन्तह ददं, पडिबंधो जो य एस रमणीसु । सो किपाकफलं पिव, मुहमहुरो अंतविरसो य ॥४३८॥ अस्संखभवपरंपर-परिचयकरी सुहासयविदारी । सुमुणिजणवाणिज्जा, मणसा वि य नेव सरणिज्जा ॥४३९॥ जं कि पि एत्थ वसणं, दुक्खं जं कि पिजं च वयणिज्जं । सव्वस्स तस्स मूलं, एसा चिय गिजए एका ॥४४०॥ भवसायरस पारं, ते चिय पत्ता पवित्तिया धरणी । तेहिं चिय सच्चरिएण, जेहिं चत्ता इमा दरं ॥४४॥ इय भो महाणुभावा !, सुणिउणबुद्धीए चिन्तइत्ताणं । अणुसरह सरहसं धम्म-सारवावारमणवरयं ॥४४२॥ एवं जिणेण कहिए, सविसेससमुल्लसन्तसुहभावो । राया कयप्पणामो, णिडालतडघडियकरकमलो ॥४४३॥ जंपिउमाढत्तो जाव, नाह रज्जे ठवामि नियपुतं । ताव तुह पायमूले, पव्वज संपवजामि
॥४४४॥ भणियं तिहुयणगुरुणा, जुञ्जइ तुम्हारिसाण राय ! इमं । नहि विन्नायसरूवा, मंति थेवं पि संसारे ॥४४५॥ अह पणमियजिणचरणो, राया गंतूण निययभवणम्मि । सामन्तमंतिपमुहं, पवरजणं वाहारावेति
॥४४६॥
॥३६॥
