________________
(का संवेगरंगसाला
दाहज्वरपीडा
॥३२॥
को वा सो सुमुहत्तो, होही खलियोईदोसपामुक्कं । आयारप्पमुहमहं, जम्मि सुतं पढिस्सामि ॥३८०॥ को वा सा वेला वि हु, होही जीए य पक्खिविस्सामि । देहविणासपसत्ते वि, करुणभरमंथरं दिदि ॥३८१॥ कइया व थेवखलिए वि, परुसवयणेहि बोहिओ सन्तो। हरिसभरनिम्भरंगो, गुरुण सिक्खं गहिस्सामि ॥३८२॥ होही य को स समओ, जम्मि इह परभवेसु णिरवेक्यो । आराहणमाराहिय, पाणचायं करिस्सामि ॥३८३।। इय संवेगोवगओ राया जा चिन्तए रखी ताव । सविसेसमणिचं उव-संसिउं अत्थमणुपत्तो ॥३८४॥ १सूरारुणकरपहकर-करंबिओ सहइ तयणु जियलोओ। जयकवलणमणकीणास-चक्खुपहपसररुद्धो व ॥३८५।। कुणह जणा अत्तहियं, एस विसप्पा तमो कयंतो ब्व । इय विहगकलयलेणं, कहइ व संझा वियंभंती ॥३८॥ विहलियदोसावेसो, अवहत्थियतमभरो मुणिजणो ब्व । विप्फुरइ पयडमाहप्प-निम्मलो तारयसमूहो ॥३८७।। कालपरिणामविहडिय-पुव्वैदिसासिप्पिसंपुडल्लसिओ । मुत्ताहलनिउरंबो ब्व, सीयकिरणो वि उग्गमइ ॥३८८॥ एवं विह-निसिसमए, जाए काउंपओसकिच्चाई । सुहसेज्जाए निसन्नो, नरनाहो चिंतए एवं ॥३८९॥ पुरनगरखेडकब्बड-मडंबगामीसमाइणो धन्ना । ते जेसु जिणो विहरति, भुवणगुरु सिरिमहावीरो ॥३९ ॥ जइ सो भयवं भुवणेक्क-बंधको एज एत्थ नयरीए। ता पव्वजं घेत्तुं, दुक्खाण जलंजलि देमि ॥३९१॥ इय नरवइणो चिन्तागयस्स, निदाए अविरइए व । पडिवक्खकोथियाए, चिन्तापसरी पडिनिरूद्धो ॥३९ ॥
१ पहकर-समूहः ।२. तार१५.3. ना. मडम्व- घशष
॥३२॥
