________________
संवेगरंगसाला
आश्रवसंवर-निर्जरा| भावनानां |स्वरूपम् ।
॥६७२॥
पावस्स आसवो सो, पाणवहाऽईहिं तह कसाएहि । अनिरुद्धि दियमणवइ-काएहि अविरईए य ॥८७५४॥ मिच्छत्तवासणाए य, पाणिणो आइयंति जं पावं । अच्चंतभूरिसलिलं, भूरिदुवारो तडागो ब्व ८७५५।। तथाहिजह सव्वओ असंवुड-वियडदुवारेहि कलुससलिलभरो। पविसइ सरोवरम्मि, कत्तो वि अपत्तपडिखलणो ॥८७५६॥ तह इहई पि हु जीवे, पाणवहाऽईहि गरुयदारेहि। निच्च असंवुडेहि, संगलइ पभूयपावभरो ॥८७५७॥ तो तेणं पडहत्थो, मच्छाऽऽईण व अणेगदुक्खाण । आभागी होइ जिओ, ता वजसु आसवं खवग ! ॥८७५८॥ आसववसगो सत्तो, संतावं तिव्वमुव्वहइ जम्हा। ता पाणवहाऽऽइविरम-णेण तस्संवरं कुणसु ॥८७५९॥ सव्वजियअप्पतुल्लो, संवरियाऽसेसआसवदुवारो। जीवो न तलागो इव, पूरिजइ पावसलिलेहि ॥८७६०॥ तथाहिजह संवरियदुवारे, न पविस्सइ पाणियं वरतलागे। तह ठवियाऽऽसवदारे, जीवम्मि पावनिवहो वि ॥८७६१॥ ते धण्णा ताण नमो, तेहि समं निश्च होज संवासो। जे पिहियाऽऽसवदारा, दूरं पावस्स विहरंति ॥८७६२॥ संवरियसव्वआसव-दुवारपसरो य संपयं सम्मं । नवमं विणिजराभाव-णं पि भावेसु खवग! जहा ॥८७६३॥ पुव्वं सयं कडाण, सुदुप्परकंतदुद्दचिन्नाणं । कम्माण वेयणाओ, भणिओ मोक्खो जिणेहि तहा ॥८७६४॥ तिव्वसुहऽज्झवसाया, सव्वासि चेव कम्मपगडीणं । अनिकाइयाण पायं, जायइ सजो विनिजरणं ॥८७६५॥
सच्चजियअप्पतुल्लो, संवरिया समवई जम्हा। ता पाणESSERTHओ, ता वजसु आसवं खग
॥६७२॥
