________________
संवेगरंगसाला
अर्थकामानाम् अशुभत्वम् ।
॥६७१॥
अन्ने उ पत्थुयम्मि, एत्थं असुइत्तभावणाठाणे । असुहत्तभावणं उव-इसंति तो तं पि पयडेमि ॥८७४०॥ वन्जिय जिणि दधम्मं, न सुहं भुवणे वि विजए अन्न । कज वा ठाणं वा, कहि'चि मच्चे व सग्गे वा ॥८७४१॥ धम्मऽत्थकामभेया, तिविहं कज' मणिच्छियं तत्थ । धम्मो च्चिय सुहकज', असुहा पुण अत्थकामा उ॥८७४२॥ वइराण रायहाणी, आयासकिलेससोगदुहखाणी। सावजाऽऽरंभपयं, पावाण परा य सूईया ॥८७४३॥ कुलसीलठिइविडंबी, सयणेहि वि सह विरोहकारी य । कुगईकारणमऽत्थो, अणत्थसत्थाण पंथो य ॥८७४४॥ लज्जाकरा विलीणा, तुच्छा आयाससाहणिज्जा य । किंचि मुहे महुरा वि हु, दुहाऽवसाणा सुबीभच्छा ।।८७४५।। धम्मगुणहाणिजणगा, भयबहुला अप्पकालिया घोरा । संसारबुड्ढिजणगा, कामा कामिजमाणा वि ॥८७४६।। सनरयतिरियगणम्मि, समाणुसाऽमरजणम्मि संसारे । निरुवद्दवं न कि चिवि, विजइ ठाणं पि जीवाणं ॥८७४७॥ बहुविहदुहाऽऽउलत्ता, परव्वसत्ता महंतमोहत्ता । तिरिएसु वि न सुहत्तं, नरए पुण तं कुओ चेव ॥८७४८॥ तह गब्भजम्मदारिद-रोगजरमरणविप्पओगेहिं । अभिभूएसु मणुएसु, नऽत्थि वे पि हु सुहृत्तं ॥८७४९॥ मंसबसण्हारुरुहिरऽद्वि-विट्ठमुत्तंऽतपयइकलुसम्मि । नवछिड्डपज्झरंते, तदेहे वि हु सुहत्तं कि? ॥८७५०॥ पियविप्पओगसंताव-चवणभयगम्भभवणचिंताहिं। विहिएहि दुखेहि, अभिकखणं खिजमाणाणं ॥८७५१।। ईसाविसायमयलोह-पमुहदढभाववेरिएहि पि । देवा वि निच्च नडिया, ता कत्तो ताण वि सुहत्तं ॥८७५२॥ सव्वाऽवत्थासु पि हु, असुहसरूवे भवम्मि किचि । जीवो इमो किलिसइ, पावाऽऽसवविलसियं तं से ।।८७५३।।
॥६७१॥
