________________
संवेगरंगसाला
संसारभावनास्वरूपम् ।
..॥६६२॥
जाए पभायसमए, तत्तो आपुच्छिउ सयणवग्गं । सव्वन्नुणा पणीय, दिक्खं सरणं पवन्नोम्हि ॥८६१८॥ ता नरवर ! एवं विह-दुहनिवहग्वत्थपाणिसत्थस्स । मोत्तुं जिणि दधम्म', सरण ताण न अन्नत्तो ॥८६१९॥ एवं सो राया, तहत्ति पडिवजिउ कयपणामो । निययट्ठाणमुवगओ, साहू वि तओ विणिकवतो ॥८६२०॥ इय खवग! समत्थभवुत्थ-वत्थुपडिबंधबुद्धिमवहाय । भावेसु निहुयचित्तो, निस्सरणयभावण' सम्म ॥८६२१॥ जेण चिय पइवत्थु पि, एत्थ चितिजमाणमऽगीण । सरण न कि पि तेणेव, नियसु संसारमऽइविसम ॥८६२२।। जिणवयणविरहिओ इह, मोहमहातिमिरपडलपडिहणियो। जीवो वियारवोकंत-वेयणाविवससव्वंऽगो ॥८६२३।। इगिविगलि दियजलथल-खयराऽऽदिविचित्ततिरियजोणीसु । सव्वसुरमणुयजोणीसु, नरएसु य भमडिओ बहुसो ॥८६२४।। वहबंधणधणहरणाऽ-वमाणगुरुरोगसोगसंतावा । पत्ता विचित्तरूवा, बहुसो एकेकजातीसु
॥८६२५।। उड्ढं तिरियमऽहे वा, लोयपएसो वि नत्थि सो को वि । पत्ताई जत्थ बहुसो. न जम्मजरमरणपभिईणि ॥८६२६।।
भोगोवखरदेहत्त-चंधवहणाऽऽइकारणत्तेण । बहुसो वि रूविदव्वाणि, पत्तपुव्याणि सव्वाणि ॥८६२७॥ 'सयणसुहिसामिदासत्त-सत्तुभावेहि परिणया सव्वे । जीवा अणेगसो चिय, संसारे संसरंतस्स ॥८६२८॥ हद्धी! उब्वियणिजो, संसारो जत्थ णिययजणणी वि । मरिऊण होइ दुहिया, पिया य मरिऊण पुण पुत्तो ॥८६२९॥ सोहग्गरूवगव्वं, समुन्वहंतो जुवा वि मरिऊण । तत्थेव नियसरीरे, जायइ जम्मि किमित्तेण ॥८६३०॥ जणणी वि भवंऽतरपत्त-पुत्तपिसियं पि भकखए जं च। ही! एत्तो वि किमऽन्नं, कटुं दुहम्मि संसारे ॥८६३१॥
॥६६२॥
