________________
संवेग
रंगसाला
अक्षिवेदनोपशमे प्रव्रज्यास्वीकारप्रतिज्ञा ।
॥६६१॥
मुणिणा भणियं नरवर !, सयमऽवि सरणेण विरहियस्स तुहं । कहमिव परेसि सरण-प्पयाणसामत्थउवलंभो ॥८६०४॥ एवं वुत्तो संतो, संभंतो नरवई पयंपेइ । पउरकरितुरयरहसुहड-लकूखसामग्गिकलिओ हं
॥८६०५॥ कहमिव सरणाय परेसि, नेव होमि त्ति मा मुसं वयसु । भयवं ! कह वा सयमऽवि, निस्सरणो हं तए वुत्तो॥८६०६॥ मुणिणा संलतं भूमि-नाह ! एयस्स मुणसि नेवऽत्थं । नेव य उत्थाणं ता, सुणेहि एगग्गचित्तो तं ॥८६०७॥ कोसंबीनयरीए, उवहसियकुबेरविहववित्थारो। आसि बहुसयणवग्गो, मज्झ पिया पायडो भुवणे ॥८६०८॥ होत्था य ममं तइया, पढमवए च्चिय सुदुस्सहा धणियं । अच्छिवियणा महंती, तव्वसओ देहदाहोय ॥८६०९॥ देहंऽतो भमिरमहंत-निसियकुंतो व्व असणिनिहओ व्व । उकुवियनयणपीडा-भरेण विवसो म्हि संवुत्तो ॥८६१०॥ बहुमंततंतविजा-चिगिच्छसत्थऽत्थवेइणो य जणा। कासी मज्झ चिगिच्छं, नाऽऽसी थेवो वि पडियारो॥८६११॥ पिउणा वि य पडिवन, सबस्ससमप्पणं पि किर तस्स । जो मज्झ थेवमेत्तं पि, वेयणं अवहरेज लहुं ।।८६१२।। पम्मुक्कपाणभोयण विलेवणाहरणपमुहवावारो। मायाभाउगभगिणी-कलत्तमेत्ताऽऽसयणगणो ॥८६१३॥ अच्चन्तचित्तपीडा-विणिन्तबाहप्पवाहधोयमुहो। किंकायव्वयमूढो, ठिओ समीवम्मि मे सव्वो ॥८६१४॥ तह वि हु अणियत्ततीए, अच्छिवियणाए थेवमेत्तं पि । अहह !न को विहु सरणं, मम ति परिचिन्तयन्तेणं ॥८६१५॥ विहिया मए पइन्ना, जइ मुंचेञ्जा इमाइ वियणाए। तो चत्तसव्वसंगो, काहं अणगारियं धम्म ॥८६१६॥ एवं बिहियपइन्नस्स, मज्झ रयणीए आगया निदा । खयमुवगया य वियणा, जाओम्हि पुणण्णवसरीरो।।८६१७॥
॥६६॥
