________________
संवेगरंगसाला
शरीर-कुटुम्बधनादिपापस्थानानां गरे ।
॥६५२॥
गहियाणि य मुक्काणि य, हे खमग! सरीरगाणि विविहाणि । सुसिणिद्धकुटुंबाणि य, ताई सव्वाणि बोसिरसु ॥८४८२॥ लोहवसट्टेण समजिऊण, जो पावठाणपडिबद्धो। विहिओ अत्थो तं पि हु, सम्मं सव्वं पि वोसिरसु ॥८४८३॥ वोलीणाऽणागयवट्टमाण-काले पवत्तिया जे य । पावाऽऽरंभा ते वि हु, सम्मं सव्वे वि वोसिरसु ॥८४८४॥ वितहं परूवियं ज, जिणवयणं वितहमेव सद्दहियं । अणुमणिय व वितह, तं तसव्वं पि गरिहाहि ॥८४८५॥ खेत्तद्धाऽऽइदोसा, जइवि न सम्म अणुट्ठिउ तरियं । जिणवयणं तह वि हुज', पडिबंधो असदऽणुट्ठाणे ॥८४८६॥ विहिओ मणोरहा वि हु, सम्माऽणुट्ठाणगोयरा न कया। तसविसेसं सुंदर !, निंदाहि पुणो पुणो सम्मं ॥८४८७।। कि बहुणा भणिएणं, समतणमणिलेढुकंचणो होउ । समसत्तुमित्तचित्तो य, गरुयसंवेगसारो य ॥८४८८॥ सच्चित्तम चित्तं मीस-गं च दव्वं पडुच्च जपावं । विहियं तपि हु गरिहाहि, तिविहतिविहेण खवग! तुमं ॥८४८९॥ नगनगराऽऽगरगामाऽऽ-रामविमाणाऽऽइभवणखलगाऽऽइ । आसज जपि किंचि वि, उड्ढा होतिरियलोएसु॥८४९०॥ वोलीणाऽणागयवट्टमाण-सीउण्हवासकालेसु । जपि य कहं पि राओ, दियाओ दीहऽप्पठिइयं वा ॥८४९१॥ ओदइयाऽऽइयभावट्ठिएण, गुरुरागदोसमोहेहिं । सुवणे जागरणे वा, तिव्वाऽऽइभेयमिन्नं च ॥८४९२॥ पावाऽणुबंधिपावं, सुहुमं वा बायरं व मणसा वा । वायाए कारण व, कय व कारियमणुमय वा ॥८४९३॥ एत्थ व जम्मे जम्मन्तरे व, सव्वन्नुवयणओ निउणं । नाऊण दुक्कडं गरह-णीयमिणमुज्झणीय च ॥८४९४॥ अरहन्तसिद्धगुरुसंघ-सखिय दुक्खसंखयनिमित्तं । निदसु गरिहसु पडिकमसु, सव्वहा सव्वमवि सम्मं ॥८४९५॥
॥६५२॥
