________________
संवेगरंगसाला
वाय्वादिजीवानां विराधनानां क्षामणा ।
॥६४७॥
तालोट्टवियणगोफण-निस्ससणुस्सासधवणफुक्कासु । संखाऽऽइनायणेसु य, विराहिया वाउजीवा जे ॥८४१५॥ एत्थ भवे अन्नत्थ व, सयं परेहि च ते वि खामेहि । तिविहं तिबिहेण पिहु, स एस तुह खामणाकालो॥८४१६॥ तच्छणछेयणमोडण-तोडणउकखणणभक्षणाऽऽईहिं । खेत्तखलाऽऽरामाईसु, विराहिया जे वणस्सइणो ॥८४१७॥ एत्थ भवे अन्नत्थ व, सयं परेहिं च ते वि खामेसु । तिविहं तिविहेण पि य, स एस तुह खामणाकालो ॥८४१८॥ गंडोलयअलसजलूय-किमियसंखाणअसंखसंखा य । सिप्पिकवड्डाईया, विइंदिया जे वि कहवि हया ।।८४१९॥ एत्थ भवे अन्नत्थ व, सयं परेहिं च ते विखामेसु । तिविहं तिविहेण पिहु, स एस तुह खामणाकालो॥८४२०॥ मंकुणमंकोडगकुंथु-कीडिया कत्तरा य घेइल्ला । उद्देहियजयाई, तिइंदिया जे वि कहवि हया ॥८४२१॥ एत्थ भवे अन्नत्थ व, सयं परेहि च ते वि खामेसु । तिविहं तिविहेणं पिहु, स एस तुह खामणाकालो ॥८४२२॥ कंडरतिइपयंगा, दंसा मसगा य मच्छिया भमरा । विच्चुयपमुहा उ विरा-हिया उ चउर दिया जे य ॥८४२३॥ एत्थ भवे अन्नत्थ व, सयं परेहि च ते वि खामेसु । तिविहं तिविहेणं पि हु, स एस तुह खामणाकालो॥८४२४॥ अहिनउलसरडगोहा, कुड्डगिरोलगतदंडगाऽऽईया । मूसगकागसियाला, सुणगा मजारपमुहा य ॥८४२५॥ हासेण पओसेण व, अत्थाओ अणत्थओ य कीलणओ। आभोगअणाभोगा, बहिया पंचेंदिया जे य ॥८४२६॥ एत्थ भवे अन्नत्य व, सयं परेहिं च ते वि खामेसु । तिविहं तिविहेणं पिहु, स एस तुह खामणाकालो ॥८४२७॥ अहवा
॥६४७॥
