________________
संवेगरंगसाला
महावतानाम् अरक्षणे दोषाः।
॥६३१॥
ता भो देवाणुपिया !, पंचसु वि महन्वएसु होज ददो। एएसु वंचिओ जो, स वंचिओ सयलठाणेसु ॥८१९९॥ जह तुंबस्स दढतं, विणा न अरया सकजकरणखमा । एवं महव्वएसु वि, अदढस्स असेसधमम्मगुणा ॥८२००॥ जह तरुणो साहपसाह-पुष्फफलकारणं भवे मूलं । एवं धम्मगुणाण वि, मूलं सुमहन्वयदढत्तं ॥८२०१।। घुणखद्धमज्झसारो, नाऽलं खंभो जहा घरं धरि । एवं वएसु अदढो, पोढो वोढुन धम्मधुरं ॥८२०२।। अदढा छिडजुया वि य, भंड नावा जहा न वोढुमऽलं । एवं वएसु अदढो, अइयारजुओ य धम्मगुणे ।।८२०३।। अदढो छिडजुञ्जो वि य, नाऽलं कुंभो जहा जलं धरिउ। एवं वएसु अदढो अइयारजुओ य धम्मगुणे ॥८२०४।। अन्न' चभमिया भमंति भमिहिति, एत्थ वित्थिण्णभवसमुद्दम्मि । एयाणमऽणत्थित्ते, अदढत्ते साइयारत्ते ||८२०५॥ अन्न च तुमं सुंदर !, सम्म संविग्गमाणसो होउ। पुवरिसिभासियाई, परिभावेजसु इमाई जहा ||८२०६॥ संसारो य अणंतो, भट्ठचरित्तस्स लिगजीविस्स । पंचमहव्वयतुंगो, पागारो भेल्लिओ जेण ८२०७।। महव्वयअणुव्वयाई, छड्डेउ' जो तवं चरइ अन्न। सो अनाणी मृढो, नावावुद्दो (बुड्डो B) मुणेयन्वो ॥८२०८।। सीलव्वयाई जो बहुफलाई. हंतूण सोखमाहिलसइ । धीदुब्बलो तवस्सी, कोडीए कागणी किणइ ॥८२०९।। अन्न च चउब्विहमिलिय-सयलसिरिसंघरंगमज्झम्मि। भीमभववाहिविहुरो, अन्नत्तो ताणमऽलभंतो ॥८०१०॥ एसो महोऽणुभावो, वेत्राण व अम्ह सरणमऽल्लीणो। ता अणुकंपेयव्वो, इय बुद्धीए सुहगुरूहि ॥८०११।।
॥६३१॥
