________________
संवेगरंगसाला
चारुदत्तस्य अजभस्त्रायाः सलिले पतनम् ।
॥६२३॥
गोहा समागया तं, रसच पाऊण निकखमंती सा। पुच्छम्मि ददं गहिया, जीयत्थं चारुदत्तेण ॥८०९३॥ उत्तारिओ य तीए, तत्तो अच्चतजायपरितोसो। गंतुं पुणो पयट्टो, उत्तिष्णो कहवि कंतारं ॥८०९४॥ एगम्मि य कुग्गामे, मिलिओ रुद्दो त्ति माउलगमित्तो । तेणेव तओ सद्धि, टंकणदेसम्मि संपत्तो ॥८०९५॥ तत्थ य सुवनभूमी-गमणकए दो अजे दढे घेत्तुं । चलिया पत्ता दूरे, वुत्तो रुदेण तो इयरो ॥८०९६॥ भाय ! न एत्तो गंतुं, तीरिजइ ता इमे अजे हणिउ। कीरंति भत्थाओ, अब्भतरनिहियरोमाउ ॥८०९७॥ तासु य सत्थं गेण्डिय, पविसिञ्जइ जेण आमिसाऽऽसाए। घेत्तूणं भारुडा, सुवन्नभूमीए मेल्लति ॥८०९८॥ तत्थ य संपत्ताणं, होही विउला सुवनसंपत्ती । उप्पण्णघिणेण तओ, पयंपियं चारुदत्तेणं
॥८०९९॥ मा मा एवं उल्लवसु, भद्द ! को पावमेरिसं काही । जं जीववहेण धणं, तं मज्झ कुले वि मा होउ ।।८१००॥ रुद्देण जंपियमऽहं, निययअजे निच्छियं हणिस्सामि । कि तुज्झ एत्थ तत्तो, उन्विग्गमणो ठिओ इयरो ॥८१०१॥ अह हणि पारद्धो, रुद्देण अजो सुनिग्षिणमणेण । ठाऊण कन्नमूले, अजस्स अह चारुदत्तेणं ॥८१०२॥ भगिओ पंचाऽणुन्वय-सारो परमेट्ठिपंचनवकारो। तस्सुइसुइभावेण य, मरिऊण अजो सुरो जाओ ॥८१०३॥ तकूखल्लाए तत्तो, पक्खिविउ चारुदत्तमियराए । अजखल्लाए य सयं, सो रुद्दो लहु पविट्ठी ति ॥८१०४॥ तो आमिसलोलेहि, भारुडेहि दुवे वि उकिखत्ता । णवरं वच्चताणं, पक्खीणं परोप्परं जुज्झे ॥८१०५।। पडिओ चंचुपुडाओ, सलिलोवरि कहवि चारुदत्तो तं । सत्थेण मिदिऊणं, गम्भाओ इव विणिकखंतो ॥८१०६।।
चारुदत्तण
॥६२३॥
