________________
संवेग
कन्यायाः
रंगसाला
मिलनम्
॥२४॥
उचियसमए पसूओ, कयमभिहाण च कुलिसवेगो ति । अच्चन्तसुरूवतणू, कुमारभावं समणुपत्तो ॥२७३॥ सिक्खविओ सयलकला-कलावकोसल्लमप्पकालेण । नहगमणप्पमुहाओ, विजाओ वि हु अणेगाओ ॥२७॥ अह जणनयणागन्द, मगस्सिणीमाणकुमुयमायंडं । तरुणतणमणुपत्तो, रेहसि मयरद्वओ व तुम ॥२७५॥ समवयमित्ताणुगतो, गउ ब्व तियचच्चरेसु सरसीसु । निस्संकं भमसि पुरे, पउरेसु काणणेसु पि ॥२७६॥ अह अन्नया कयाई, तुमए १ओलोयणठिया दिट्ठ। । हेमप्पहविजाहर-धूया सुरसुंदरीणामा ॥२७७॥ तीसे य जोव्वणेणं, लायण्णेणं च रूवविहवेणं । सोहग्गेण य हिययं, सुहय ! तुहायड्ढियं दूरं ॥२७८॥ तीए वि हु तुह दंसणवसेण, वियसन्तणयणकमलाए । कुसुमाउहो वि वजा-उहो व्व मयणो पवित्थरिओ॥२७९॥ नवरं समीवसंठिय-सहीण लज्जाए रंभियवियारा । नीलुप्पलमुवदंसइ, सा तुह अग्घायणमिसेण ॥२८०॥ कसिणाए रयणीए, संकेओ सूइओ इमीए त्ति । हरिसभरनिभरंगो, तुमं गतो णिययभवणं मि ॥२८॥ तो कयदिणकायबो, णियणियगेहेसु पेसियवयस्सो। खग्गसचिवो निसीहे, नीहरिओ णिययगेहातो ॥२८२॥ केण वि अमुणिजन्तो, तेणेवोलोयणेण सणियपयं । पविसित्ता सेजाए, तीए समीवे निसन्नो सि ॥२८॥ सो एस दिवसदिट्ठो, पवरजुवाणो त्ति जायहरिसाए । नियदइयणिव्विसेसा, तुज्झ कया तीए पडिवत्ती ॥२८४॥ अह अवरोप्परसविलास-चयणगोट्ठीए गमिय खणमेगं । तुमए भणिय हे सुयणु !, विसरिसं दीसइ तुहेमं ॥२८५॥ १ गवाक्षेस्थिता ।
॥२४॥
