________________
संवेगरंगसाला
ब्रह्मचर्यस्वरूपं कामाशंसाकृतदोषाः च ।
॥६१३॥
देवेंदरायगहवइ-सागरिसाहम्मिओग्गहम्मि तुमं । समुचियविहिणा दिणं, गेण्हसु सामण्णहे ति ॥७९६०॥ रकखाहि बंभचेरं च, बंभगुत्तीहि नवहिं परिसुद्ध। निच्च पि अप्पमत्तो, पंचविहे इथिवेरग्गे ॥७९६१॥ जीवो बंभा जीवम्मि, चेव चरिया भवेज जा जइणो। तं जाण बंभचेरं, विमुक्कपरदेहतत्तिस्स ॥७९६२॥ "वसहिकहनिसेज्जे दिय-कुडतरपुव्वकीलियपणीए । अइमायाऽऽहोरविभूसणा य, नव बंभगुत्तीओ" ॥७९६३।। कामकया १ इत्थिकया २, दोसा असुइत्त ३ वुड्ढसेवा ४ य । संसग्गीदोसा५वि य, करेंति इत्थीसु वेरग्गं ॥७९६४॥ जाँचइया किर दोसा, इह परलोगे दुहाऽऽवहा होति । आवहइ ते उ सव्वे, मेहुणसन्ना मणूसस्स ॥७९६५।। सोयइ वेवइ तप्पइ, जंपइ कामाऽऽउरो असंबद्ध । रत्ति दिया वि निद्द, न लहइ पज्झाइ विमणो य ॥७९६६।। सयणे जणे व सयणाऽऽसणे वि, गामे घरे अरन्ने वा। कामपिसायग्गहिओ, न रमइ तह भोयणाऽऽईसु ॥७९६७॥ कामाऽऽउरस्स गच्छइ, खणो वि संवच्छरो व्व पुरिसस्स । सीयंति य अंगाई, वहइ मणे इट्ठउकंठं ॥७९६८।। करयलकलियकवोलं, बहुसो चितेइ किपि दीणमुहो। कामुम्मत्तो अंतो, अंतो डज्झइ य चिंताए ॥७९६९॥ विवरीयविहिवसेण य, कामिजंते जणे अलब्भंते । पाडइ निरत्ययं सो, गिरिजलजलणेसु अप्पाणं ।७९७०।। अरइरइतरलजीहोजुएण, संकप्पउब्भडफडेण । विसयबिलवासिणा मय-सुहेण बिब्बोयरोसेण
1.७९७१॥ कामभुयगेण दट्ठा, विलासनिम्मोयेदप्पदाढेण । नासंति नरा अवसा, दुसहदुकुखुक्कडविसेण
॥७९७२।। आसीविसेण दट्ठस्स, हो ति वेया नरस्स सत्तेव । कामभुयंगमददुस्स, होति वेया दस दुरंता । ॥७९७३॥
॥६१३॥
सं.२.५२
