________________
परद्रव्य
संवेगरंगसाला
हरणस्य
दोषाः ।
॥६१२॥
न य तं लहइ न भुजइ, भुत्तं पि न कुणइ निव्वुई तस्स । सव्वजएण वि जीवो, लोभाऽऽविट्ठो न लिप्पइ य ॥७९४७॥ तह जो अत्थं अवहरइ, जस्स सो जीवियं पि से हरइ । जं सो अत्यकएणं, उज्झइ जीयं न उण अत्थं ॥७९४८|| हुंते य तम्मि जीवइ, सुहं च सकलत्तओ तओ लहइ । तं पुण तस्स हरंतेण, तेण सव्वं पि हडमेव ॥७९४९॥ ता जीवदयं परमं, धर्म गहिऊण गेण्ह माऽदिष्णं । जिणगणहरपडिसिद्ध, लोयविरुद्ध च अहमं च ॥७९५०॥ चरि पि चिर चरणं, किलि'चमेत्तं पि घेत्तुमऽविदिणं । तणलहुओ होइ नरो, अप्पञ्चइओ य चोरोव्व ॥७९५१।। वहबंधजायणाओ, छायाभंसं पराभवं सोगं । पावइ चोरो सयमावि, मरणं सव्वस्सहरणं च ॥७९५२।। निच दिवा य रत्ति च, संकेमाणो न निद्दमुवलभइ । भयतरलं पेच्छंतो, अच्छइ गच्छद य हरिणो व्य ॥७९५३॥ उ'दुरकयं पि सद, सोचा परिवेवमाणसव्वंऽगो । सहसा समंतओ तह, उब्विग्गो धावइ खलंतो ॥७९५४॥ परलोगम्मि वि चोरो, करेइ नरयम्मि अप्पणो वसहि । तिव्वाओ वेयणाओ, अणुभवइ तत्थ सुचिरं पि ॥७९५५।। तिरियगईए वि तहा, चोरो पाउणइ तिकखदुक्खाई। कि बहुणा दुत्तारे, संसारसरे सरइ बहुसो ॥७९५६।। हरिया व अहरिया वा, नस्संति नरभवेवि तस्सऽत्था । न हु से धणमुवचीयइ, सयं च ओलोह धणाओ॥७९५७।। १परदव्वहरणबुद्धी, सिरिभूई दुकूखदारुणे नरए । पडिओ ततोऽणतं, भमिओ संसारकंतारे ॥७९५८॥ एए सब्वे दोसा, न हॉति परदव्वहरणविरयस्स । होति समग्गा य गुणा, एत्तो च्चिय निच्चमुवउत्तो ॥७९५९॥
१ इयं गाथा ताडपत्रीयप्रत्यां नास्ति ।
॥६१२॥
