________________
संवेगरंगसाला
यवसाधोः कर्षकडिम्भयोः वचनश्रवणम् ।
॥६०५॥
अच्चतरूवकलिया, जवस्स धूया अडोल्लिया आसि। भइणी जुवरनो गद्द-भस्स नवजोव्वणसुहंऽगी ॥७८५४॥ तं एगया पलोइय, जुवराया मयणविहुरिओ संतो। तदऽसंपत्तीए किसो, पइदियह होउमाऽऽरद्धो ॥७८५५॥ पुट्ठो य अमच्चेणं, कीस किसो होसि गाढनिब्बंधे। तेणेगंते सिटुं, ताहे वुत्तं अमच्चेण
।।७८५६॥ जह कोवि नेव जाणइ, तह भूमिहरे इमं छुहेऊण । भुंजेसु विसयसोकूखं, सतप्पसि कीस तं कुमर! ॥७८५७॥ एवं कयम्मि लोगो वि, जाणिही नूण केणई हडत्ति। पडिवन्नं कुमरेणं, कयं च तह चेव मूढेणं ॥७८५८॥ वइयरमिमं च नाउं', जवराया जायगाढनिव्वेओ। पुत्तं रज्जे ठविउ, सुगुरुसमीवम्मि पव्वइओ ॥७८५९॥ अणुसासिज्जंतो वि हु, न तहा पाढम्मि सो समुन्जमइ । पुत्तप्पडिबंधेण य, पुणो पुणो एइ उज्जेणि ॥७८६०॥ अह अन्नया कयाई, उज्जेणिपुर पडुच्च वच्चंतो। जवखेत्तरक्खणुञ्जय-मइनिहुयमिओतओ हुँतं ॥७८६१॥ अणुसरिय रासहं खेत्त-सामिणा फुडगिराए भष्णतं । पायडियभावमेय, खंडसिलोगं निसामेत्था ॥७८६२॥ "आधावसि पधावसि, ममं चेव निरिक्खसि । लक्खितो ते मए भावो, जवं पत्थेसि गद्दहा!" ॥७८६३। एयं च सिलोगं कोउगेण, अवधारिऊण सो साहू । गंतुं पहे पयट्टो, नवरं एगत्थ ठाणम्मि ॥७८६४॥ रममाणेहि डिभेहिं', खिप्पमाणा कहि पि बिलमज्झे । पडिया अमुणिज्जती, अडोल्लिया तं च सव्वत्थ ॥७८६५।। मग्गंति डिभाई, निउणं जा नेव कहवि पेच्छंति । ता तं बिलं पलोइय, डिभेणेकण पढियमिमं ॥७८६६।। "इओ गया इओ गया, मग्गिज्वंती न दीसइ । अहमेयं वियाणामि, बिले पडिया अडोल्लिया" ॥७८६७॥
॥६०५॥
