________________
संवेगरंगसाला
गगद्वेषादिप्रमादानां दारुणत्वम् ।
॥५७६।।
न वि तं कुणइ अमित्तो, सुट्ठ वि सुविराहिओ समत्थो वि । जं दो वि अणिग्गहिया, करेइ रागो य दोसो य ॥७४७३॥ इहलोए आयासं, अयसं च करेंति गुणविणासं च । पसवंति य परलोए, सारीरमणोगए दुक्खे ॥७४७४॥ धी! धी! अहो अकज', जं जाणंतो वि रागदोसेहिं । फलमउलं कडुयरसं, तं येव निसेवए जीवो ॥७४७५।। को दुकुखं पावेजा, कस्स व सोकखेहि विम्हओ होजा । को व न लभेज मोकूखं, रागद्दोसा जइ न होता ॥७४७६॥ तो बहुगुणनासाणं, सम्मत्तचरित्तगुणविणासाणं । न हु वसमाऽऽगंतव्वं, रागद्दोसाण पावाणं ॥৩৪৩৩৷৷ सुइभ सो पुण नेओ, जिणि दवयणस्स सवणविद्धसो। सपरोभयाण विगहा-कलहाऽऽइविग्धकरणेणं ॥७४७८।। एसो य महापावो, पयासिओ परमसमयकेहि । निविडुक्कडनाणाऽऽवरण-कम्मबंधेकहेउ त्ति ॥७४७९॥ धम्मे अणाऽऽयरो पुण, पमायभेओ सुदारुणो चेव । धम्माऽऽयराउ जम्हा, समत्थकल्लाणनिष्फत्ती ॥७४८०।। को नाम किर सकन्नो, कहि पि चितामणि पि पावित्ता । कल्लाणेकनिहाणे, होजाणाऽऽयरपरो तत्थ ॥७४८१।। दुष्पणिहाणतिग पि हु, निम्सेसाऽणट्ठदंडमूलपयं । सम्ममऽवग़म्म सुप्पणि-हाणतिगे चेव जड्यध्वं ॥७४८२॥ एवं एस पमाओ, मजाऽऽइबहुप्पयारनिम्माओ । सद्धम्मगुणाऽवाओ, भणिो कयकुगइविणिवाओ ॥७४८३॥ दव्वं खेतं कालं, भावं च पडुच्च भवकडिल्लम्मि । कट्ठाऽवत्था जायइ जीवाणं एत्थ जा का वि ॥७४८४॥ तं सव्वं पि वियाणसु, इमस्स अच्चन्तकडुविवागरस । जम्मंऽतरनिव्वत्तिय-पावपमायस्स विप्फुरियं ॥७४८५॥ सुबहु पि सुयमहि जिय, सुदीहमऽवि पालिऊण परियायं । पावपमायपरवसा, मूढा हारंति सव्वं पि ॥७४८६।।
॥५७६॥
