________________
संवेगरंगसाला
अज्ञानादिप्रमादानां स्वरूपम् ।
॥५७५॥
तत्थ य नाणाऽभावं, अन्नाणं नाणरासिणो बेति । तं पुण सव्वाणं पि हु, जीवाणं दारुणो सत्तू ॥७४६०॥ कट्ठाण परमकहूँ, अहिडिओ जेण एस जंतुगणो। अप्पगयं पि हियाहिय-मऽष्टुं न मुणइ मणागं पि ॥७४६१॥ नवरं नाणाऽभावो, थोवत्तविवकखया इहं नेयो। नो पुण स सव्वह च्चिय, जहा इमा अणुदरी कण्णा ॥७४६२॥ थेवत्तणे वि नाणस्स, मासतुसयाऽऽइयाण जइ बि सुए। सुव्वंति केवलाई, बहुनाणत्तं खु तहवि वरं ॥७४६३॥ जओजह जह सुयमऽवगाहइ, अइसयरसपसरनिब्भरमऽपुव्वं । तह तह पल्हाइ मुणी, नवनवसंवेगसद्धाओ ॥७४६४॥ सुगुरुपरतंतयाए, सिद्धे वि हु मासतुसपमोकखाणं । नाणित्ते अन्नाणं, बहुनाणाऽभावओ नेयं ॥७४६५।। पायं पमायदोसा, जम्हा जायइ जियाणमऽनाणं । कारणकज्जुवयारा, ता अन्नाणं चिय पमाओ ॥७४६६।। नाणं पुण थेवं पि हु, भवंतमिह किपि जायए सम्मं । अन्न न तहा तं पुण, मिच्छानाणं मुणेयव्वं ॥७४६७।। मिच्छत्तभणणओ च्चिय, हेट्ठा खलु तं निदंसियमिहेव । अह संसओ ति सो पुण, मिच्छानाणस्स चेवंऽसो ॥७४६८॥ दोलायमाणमाणस-करणाओ देससव्वगो एस । उप्पजतो जीवाऽ-इएसु जिणदेसियऽत्थेसु ॥७४६९॥ सम्मत्तमहारयणं, निम्मलमवि जेण कुणइ अइमलिणं । जिणऽपच्चयादऽकिच्चो, जीवाऽऽइसु संसओ तम्हा ॥७४७०॥ रागद्दोसपमाया वि, हेदुओ पेजदोसभणणेण । भणिय च्चिय ता ते वि हु, खमग ! तुमं परिचयसु जेण ॥७४७१॥ जं न लहइ सम्मत्तं, लघृण यजंन एइ संवेगं । विसयसुहेसु य रजइ, सो दोसो रागदोसाणं ॥७४७२॥
॥५७५
