________________
संवेगरंगसाला
कषायद्वारस्वरूपम् ।
॥५५९।।
एवं विसयदारं, निदंसियं संपयं च लेसेणं । तइयं कसायदारं, कमपत्तं चिय परूवेमि
॥७२६२॥ जइ वि कसाया हेट्ठा, उवइट्ठा भूरिभणिइनिवहेण । दुज्जेय त्ति तहावि हु, पुणो वि भण्णंति लेसेण ॥७२६३॥ एए दुट्ठकसाया, विडंबणाकारिणो जह पिसाया। पच्छा विहियविसाया. असुहविहाणेक्कववसाया ॥७२६४॥ जणियदुरऽज्झवसाया, अणिट्ठदाणेण दावियपसाया। संरुद्धसिद्धिसाया, परलोगे विहियविरसाऽऽया ॥७२६५।। आणे ति परं वसण, गाले ति य संपयं सुविउलं पि। कजच हारवें ति, सेविजन्ता इह कसाया ॥७२६६॥ धम्मस्स सुयस्स जसस्स, अहवा सव्वस्स गुणकलावस्स । अव्वो! कसायकरणा, पुरिसेण जलंजली दिण्णो ॥७२६७।। सव्वजणगरहियत्तं, कसायकरणेण एत्थ लोगम्मि । परलोए संसारो, जायइ जरमरणदुत्तारो ॥७२६८॥ अह पुनपावखेलय-चउगइसंसारवाहियालीए । गिरिउ व्व भमइ जीवो, कसायचोयाण हम्मंतो ॥७२६९।। सव्वाऽवत्थासु पि हि अ-णिडियाऽणिटुकारिणो चेव । जीवाण हयकसाया, पुव्वमुणीहि वि जओ भणियं ॥७२७०।। । कडुयकसायतरूणं, पुषं च फलं च दो वि विरसाई । पुप्फेण झाइ कुविओ, फलेण पावं समायरइ ॥७२७१॥ जकिर मणुयाण सुह, जं च सुहं सव्वसुरवराण पि। तत्तोऽणतगुणं तं, कसायजइणो जिणा बेति। ॥७२७२।। पीडाकर पि लोए, खलाउ अक्कोसहणणमाऽऽइयं । चंदणरसं व मण्णइ, सुतवस्सिजणो अओ चेव ॥७२७३।। अकोसहणणमारण-धम्मभंसाण बालसुलभाणं । लाभ मन्नइ धीरो, जहुत्तराणं अभावम्मि ॥७२७४|| अहह ! बलिया कसाया, विजिया विजिया समुच्छलंति पुणो। तग्विजयकयमणाण वि, मुणीण समए विजं भणियं ।।७२७५।।
।।५५९॥
