________________
संवेगरंगसाला
विषयाणाम
अशुभत्व
दर्शनम् ।
॥५५३॥
[लघति समुदं भीसणं पि, साहेति घोरवेयालं। कि बहुणा विसयकए, पविसंति जमाऽऽणणे वि नरा ॥७१८३।। गरुयं पि हु परिवजिय, कज विसयाऽऽउरो मुहुत्तेण । तं कुणइ जेण हासो, जावजीवं जए होइ ॥७१८४॥ ववसइ पिउणो वि वह, बंधुं सत्तुं व मनइ मूढो । होइ अणिबद्धकजो, विसयग्गहपरिगओ पुरिसो ॥७१८५॥ विसया अणत्थपंथो, विसया माहप्पलुंपगा पावा। विसया लहुत्तपयवी, अकंडविडरकरा विसया ॥७१८६।। । बिसया अवमाणपयं, विसया मालिनकारणमऽवंझं । विसया दुहेक्कहेऊ, इहपरभवबाहगा विसया ॥७१८७॥ (खलइ मणो गलइ मई, परिहायइ पोरिस पि पुरिसस्स । विसयाऽऽसत्तस्स गुरू-वइट्ठमिटुं पि वीसरइ ॥७१८८॥
सा जाई तं च कुलं, सा कित्ती भुवणभूसणपयंडा । जइ ता विसयपसत्ती, ता फुसिया वामपाएणं ॥७१८९॥ जिणवयणदकूखचकूखू वि, पेकूखए पेकखणिजभावे ता। जाबऽजवि विसयपसत्ति-लकखणा नीलिमा न भवे ॥७१९०॥ (धम्माऽभिप्पायपई-चओ मणोमंदिरम्मि ता फुरइ । जावजवि विसयपसत्ति-लकखणा नेइ वाओली ॥७१९१॥ सव्वन्नुवयणपोओ, ता भवजलहीउ तारणसमत्थो । विसयप्पसंगपवणो, जावञ्जवि नाऽवकूलेइ ॥७१९२॥ विमलं विवेयरयणं, तावजवि दिप्पए पयासइ वा । विसयप्पसंगपंसू , जावजवि नाऽवगुंडेइ ॥७१९३॥ विमलं पि जीवसंखें, पइट्ठियं सहइ ताव सीलजलं । विसयामिनिविसेसाऽसुइ-संगा कलुसिञ्जई न जाव ॥७१९४॥ धम्म काउमऽसत्ता, विसयपसत्ता निहीणतमसत्ता । १अत्ताणं अत्ताणं, न मुणंति हियं च न कुणंति ॥७१९५॥
१ अत्राणम् आत्मानम् ।
॥५५३॥
सं.रं. ४७
