________________
संवेगरंगसाला
मांसस्य | अभक्ष्यत्वम् ।
॥५४५॥
तहासारो धम्मस्स दया, सा पुण भण मंसभक्खिणो कत्तो। ता सम्मं धम्ममई, वजेजा मंसमाऽऽजम्मं ॥७०७८|| संतेसु अन्नसु वि, अपाणिपीडाकरेसु पुरिसाणं । सुस्साऊसु सिणिद्धेसु, महुरपयइपवित्तेसु
७०७९॥ वन्नरसगंधफासेहि, पयइसव्विंदियाभिरामेसु । अरिहेसु विसिट्ठाणं, विसिट्ठवत्सु लोगम्मि ॥७०८०॥ कि गरहिएण मंसेण, असिएणं हा! घिरत्थु मंसस्स । सुविसत्थथिराऽतक्किय-परपाणविणासणं जत्थ ॥७०८१॥ जेण न रुकखाहितो, जायइ मंसं न पुष्फफलओ वा। न य भूमीओ न गयणा, नवरं घोराउ पाणिवहा ।।७०८२॥ ता को णु निकिवो किर, दारुणपरिणामजीववहजायं । मंसमऽसेजा सज्जो, जं भुजिय पडइ पयवीओ॥७०८३॥ अन्नं च पयारंतर-जायं ताऽवस्सजढरभरणस्स । एगस्स वि दहढसरी-गस्स एयस्स भरणत्थं ॥७०८४॥ जं मुद्धो कुणइ जणो, जीववहं तुच्छसुहकए तमिह । कि तस्स पयइकरिकन्न-पालिचलमवि थिरं जीयं ॥७०८५।। न य चिंतणीयमेयं, जीवंऽगत्तेण नणु विसिट्ठाणं । असणीयमेव मंस, सेसाहारो व्व इह जेण ॥७०८६।। । भकूखाऽभकखववत्था, सव्वा वि विसिट्ठलोयसत्थकया। जीवंगसमत्ते वि य, एगं भकूख पर न तहा ।।७०८७।। 'सुपसिद्धमिणं गावीए, जह पयं पिजए न तह रुहिरं । जीवंऽगते तुल्ले वि, एवमऽण्णत्थ वि य नेयं ॥७०८८।। गोसाणमंसपडिसेह-णं पि न कहिं पि जुज्जए एवं । हड्डाई वि असणीयं, होजा जीवंऽगतुल्लता ॥७०८९॥ किच
॥५४५॥
