________________
संवेगरंगसाला
वररुचिरहस्यप्रकटनेन शकटालस्य उपरि मृपस्य कोपः।
॥५२५॥
ठविऊणं रयणीए, पभायसमयम्मि संथवं काउ। पाएण हणइ जंतं, तत्तो गिण्हेइ दीणारे ॥६८०९॥ भणइ य लोयाण पुरो, थुइतुट्ठा मज्झ देइ गंग त्ति । कालंतरेण रना, सो सिटुं अमच्चस्स ॥६८१०॥ तेणं भणियं जइ मह, पुरो इमा देइ देइ ता देव ! । बच्चामो य पभाए, गंगाए पडिस्सुयं रना ॥६८११॥ अह मंतिणा वियाले, पच्चइओ नियनरो समाइट्ठो। गंगाए पच्छन्नो, अच्छा जं वररुई सलिले. ॥६८१२॥ कि पि हु ठवेइ तं गिन्हि-ऊण मह भद्द ! उवणमेजासि । गंतूण नरेण तओ, आणीया दम्मपोट्टलिया ॥६८१३॥ गोसम्मि गओ नंदो, मंती य पलोइओ थुर्णतो सो। गंगं जलनिब्बुड्डो, थुइअवसाणे य तं जंतं ॥६८१४॥ करचरणेहि सुचिरं पि, घट्टियं जाव वियरइ न किपि । अच्चतविलकूखत्तण-मष्णुपत्तो वररुई ताव ॥६८१५॥ पायडिया सयडालेण, राइणो सा य दम्मपोट्टलिया। हसिओ य राइणा सो, कुविओ मंतिस्स उवरि तओ ॥६८१६॥
आरद्वो छिड्डाई, पलोइ अन्नया य सयडालो। वीवाहं काउमणो, सिरियस्स नरिंदजोग्गाई ॥६८१७॥ विविहाई आउहाई, पच्छन्नं कारवेइ एयं च । उवयरियाए कहियं, वररुइणो मंतिदासीए
॥६८१८॥ पावियछिड्डेण तओ, तेणं डिभाई मोयगे दाउ । सिंघाडगतियचच्चर-ठाणेसुं पाढियाणि इमं ॥६८१९॥ "एउ लोओ नवि जाणइ, जं सगडालु करेस्सइ । नंदु राउ मारेविणु, सिरियउ रजि ठवेस्सई" - ॥६८२०॥ सुणियं च इमं रण्णा, चरेहि पेहावियं च मंतिगिहं । दठ्ठण कीरमाणं, पच्छण्णं आउहाऽऽइबहु ॥६८२१॥ सिर्ल्ड रनो तेहिं, कुविओ राया ठिओ पराहुत्तो। सेवागयस्स चलणेसु, निवडमाणस्स मंतिस्स ॥६८२२॥ ।
॥५२५॥
