________________
संवेगरंगसाला
दक्षिणनृपसुतस्य मल्लदेवनामस्थापनम् |विजयसेननृपस्य तापसदीक्षाग्रहणं च ।
॥५२०॥
अहमऽवि चारनिवेइय-तदाऽऽगमो विहियसेनसंवाहो । अणवस्यपयाणेहि, गंतु तदभिमुहमाद्वो ॥६७४३।। नवरं चारेहिन्तो, तस्स समीवं गएण तस्सेणं । नाउ अपरिमियं कई-यवेण जुज्झिउमणेण मए ॥६७४४॥ दरिसाव से दाउ', अइजविणतुरंगमेहि नियसेन्नं । पच्छाहुत्तं सिग्घ', नियत्तियं ताव जा दूरं ॥६७४५॥ भीयं ति मं वयंत, नाउं अच्छतवइिढउच्छाहो। सो राया मुद्धमई, लग्गो सेनस्स पट्ठीए ॥६७४६॥ अह पइदिणगमणवसा, दढसुढियं संकडे य आवडियं । अभयं पमत्तचित्तं च, पेच्छिउ तस्स सेन्नमऽहं ॥६७४७॥ सव्वऽप्पणा पयट्टो, जुझेउ देव ! तुह पभावेण । अइरेण निजियं पर-बलं च बहुसुहडकलियं पि ॥६७४८॥ एत्थंतरम्मि सेणाऽहिवुत्त-पुरिसेहि तस्स भंडारो। पुत्तो य अट्ठवरिसो, उवणीओ भूमिनाहस्स ॥६७४९।। भणिय सेणावइणा, देव! इमो दाहिणेसभंडारो। पुत्तो य इमो तस्सेव, जमुचियं कुणसु तं इन्हिं ॥६७५०॥ तो रणो तं सुयमणि-मिसाए दिवीए पेहमाणस्स । केवलमऽणुभवगम्मो, जाओ पुत्ते व्व पडिबंधो ॥६७५११॥ पयपीढम्मि उववेसिऊण, चुबिय सिरम्मि भणितो य । अच्छाहि वच्छ ! नियमंदिरे व्ब, इहई अणुव्विग्गो ॥६७५२।। सन्निहिमाऽऽसीणाए, सव्वाऽऽयरसमप्पिओ य देवीए । एसो सुओ मए तुह, दिनो त्ति पयंपियं रन्ना ॥६७५३।। अब्भुवगओ य तीए, कलाकलावो य अहिगओ तेण । निजियसुरसुंदेरं, कमेण तारुण्णमऽणुपत्तो ॥६७५४॥ अच्छतभुयबलेणं, महल्लमल्ला विनिजिया तेण । तत्तो रन्ना ठवियं, नाम से मल्लदेवो त्ति ॥६७५५॥ अह जोगो ति नियपए, निवेसिऊणं तयं महीनाहो। घेत्तण तावसाणं, दिकख वणवासमल्लीणो ॥६७५६।।
॥५२०॥
