________________
संवेग
रंगसाला
रुपमददृष्टान्तसमाप्तिः बलमदस्वरूपं च।
॥५१८॥
नीओ य कहवि गेहे, नवरं रयणीए नीहरेऊण । पडिवन्नो सो दिकूख', तावसमुणिणो समीवम्मि ॥६७१७॥ काऊणं बालतवं, देवत्तं पाविओ मओ रूवी । एसो सो इन्भसुओ, जाओ वसुदेवनामो त्ति ॥६७१८॥ धणरकिखओ वि बाढं, रूवमउम्मत्तमाणसो मरिउ। अकयपरलोयकिच्चो, तिरियाऽऽइगईसु चिरकालं ॥६७१९॥ आहिँडिय रूवमउत्थ-दोसओ एस खंदनामो त्ति । उववन्नो एवंविह-विहीणसव्वंगलायन्नो ॥६७२०॥ ता जो तुब्भेहि पुरा, परमत्थो पुच्छिओ स एसो ति। आयनिऊण य इमं, जं उचियं तं समायरह ॥६७२१॥ एवं निसामिऊणं, पडिबुद्धा पाणिणो तहिं बहवे । इम्भसुया पुण घेत्तुं, पव्वज सिवपयं पत्ता ॥६७२२।। इय रूवमयसमुत्थं, दोसं तच्चागसंभवं च गुणं । मुणिऊणं खवग ! तुमं, मा तं थेवं पि हु करेज ॥६७२३॥ रुवमयट्ठाणमिमं, तइयं उवदंसियं मए कि पि । एत्तो बलमयठाणं, चउत्थमऽकखेमि संखेवा ॥६७२४॥ खणउवचियम्मि खण-अवचियम्मि जंतूण सइ सरीरबले । अणिययरूवत्तणओ, को णु बुहो तम्मयं कुणइ ॥६७२५॥ तहाहोऊण पुरा बलवं, पुरिसो संपुष्णगलकवोलो य । भयरोगसोगवसओ, खणेण विबलो जया होइ ॥६७२६।। विबलत्तमुवगतो तह, होउ परिसुसियगलकवोलो वि । उवयारवसेण पुणो, सो वि य जायइ जया बलवं ॥६७२७॥ । तह पबलबलो वि नरो, जया कयंतं पडुच्च निच्च पि । अचंत' अबलो चिय, कह णु तया बलमओ जुत्तो ॥६७२८॥ । सामन्नभूवईणं, बलेण भद्दा भवंति बलभद्दा । तत्तो य भद्दया चक्क-वट्टिणो होति तत्तो वि ॥६७२९॥
॥५१८॥
