________________
संवेगरंगसाला
मुनिना कथितः भ्रात्रोः पूर्वभवः ।
॥५१५॥
बीओ य खंदओ नाम, कायरऽच्छो अईव मडहंगो। कि बहुणा सव्वेसि, निदंसणं सो विरूवाणं ॥६६७६।। लोगुत्तरं च तेसि, रूविविरूवित्तणं णिसामेत्ता। दूराओ एइ जणो, दळु कोऊहलाऽऽउलिओ ॥६६७७|| एवं वच्च तेसु, दिणेसु एगम्मि अवसरे सूरी। विमलजसो नाम तहिं, समोसढो ओहिनाणधरो ॥६६७८॥ तस्साऽऽगमणं नाउ', वंदणवडियाए भूवईपमुहो । नयरिजणो संपत्तो, ते वि य इन्भस्स दो वि सुया ॥६६७९।। तिकखुत्तो विहियपया-हिणा य उव्बूढगाढभत्तिभरा । कयमरिचलणनमणा, समुचियठाणेसु आसोणा ॥६६८०|| अह धम्मकहं कुणमाणयस्स, दिट्ठी कहिं पि मुणिवइणो। इब्भसुएसु य तेसु', पडिया पीऊसवुट्टि व्व ॥६६८१।। तो ताण चकूखुपेकिखय, तप्पुव्वभवेण ईसि हसिरेण । संलत्तं गुरुणा अहह !, कम्मदुविलसियं भीमं ॥६६८२।। जं निरुवमरूवो वि हु, होइ विरूवो ददं विरूवो य । विसमसरोवमरूव-त्तणेण परिणमइ सो चेव ॥६६८३॥ अह विम्हिएण परिसाजणेण, भणियं कयप्पणामेण । परमत्थमेत्थ साहसु, अम्ह कोऊहलं भंते ! ॥६६८४॥ तो गुरुणा संलतं, होऊणं अवहिया निसामेह । एए हि इन्भपुत्ता, नयरीए तामलित्तीए ॥६६८५।। आसी दो वि वयंसा, धणरक्रूिखयधम्मदेवनामाणो । एसि' रूवी पढमो, परमविरूवो बिइजो य ॥६६८६॥ कीलंति य अन्नोन्नं, नवरं धणरक्खिओ बहुपयारं । रूवमएणं परिहसइ, धम्मदेवं जणसमक्ख ॥६६८७।। अह एगम्मि अवसरे, भणिओ धणरकिखएण सो भद्द ! । भजाए विणा विहलो, सयलो गिहवासवासंगो॥६६८८॥ दारपरिग्गहविमुहो, ता कि दिणगमणियं करेसि मुहा । एवं पि जइ समीहसि, ठाउता होसु पव्वइओ ॥६६८९॥
॥५१५॥
