________________
संवेगरंगसाला
पैशुन्यपापस्थानस्वरूपम् ।
॥४८९॥
ता मित्तं सुहचित्तं, ताव च्चिय इह नराण मेत्ती वि । थेवं पि अंतराले, जाव न संचरह हयपिसुणो ॥६३२९।। पेसुन्नतिकखतरपरसु-हत्थओ अहह पिसुणलोहारो। दारेइ च्चिय निच्च, पुरिसाणं पेमदारूणि ॥६३३०॥ बाढं बीहावणओ, लोयाणं दारुणो पिसुणसुणओ। जो पट्ठीए भसंतो, खणेइ कन्ने अनिम्विन्नो ॥६३३१॥ अहवुञ्जलवेसे पाडि-वेसिए सामिए परिचिए य । दाणपरे य न सुणओ, भसइ वराओ जहा पिसुणो॥६३३२॥ सजणसंजोगम्मि वि, गुणो न पिसुणस्स जायए अहवा । ससिमंडलमज्झपरि-ठिओ वि कलुसो च्चिय कुरंगो ॥६३३३।। जइ इह पेसुन्न चिय, ता कि अन्नेण दोसजालेण । एयं चिय एकं उभय-लोगविहलत्तणं काही ॥६३३४॥ कीरइ पडुच्च जमिमं, तदऽणत्थुप्पायणे अणेगंतो। पेसुण्णकारिणो पुण, पओसभावा धुवोऽणत्थो ॥६३३५।। माइत्तमऽसच्चत्तं, निस्सूगत्तं च दुजणत्तं च । निद्धम्मत्ताऽई वि य, दोसा पेसुन्नओ विविहा ॥६३३६।। वरमुत्तमंऽगछेओ, परस्स विहिओ न चेव पेसुन्नं । जं न तह दुही पढमे, मणग्गिदाणं तु सइ इयरे॥६३३७।। न य पेसुन्नाउ परं, पावं विहिएण जेण आजम्मं । विसदिवसेल्लभल्ली-सल्लियदेहो ब्व जियइ परो ॥६३३८॥ कि सामिघायगो गुरु-विणासगो हीणचिडिओ अहवा। पेसुन्नकरो न हि न हि, इमाण अन्नो अहम्मयरो॥६३३९।। पेसुन्नगदोसेणं, सुबंधुसचिवो विडवणं पत्तो। तदऽकरणेणं तदुवरि, चाणक्को पुण गतो सुगति ॥६३४०॥ तहाहिपाडलिपुत्ते नयरे, मोरियकुलसंभवो अहेसि निवो। नामेण बिंदुसारो, तस्स सुमंती य चाणको ॥६३४१॥
॥४८९॥
