________________
संवेगरंगसाला
मुनिनिन्दया नृपकन्यायाः उन्माद: यक्षवचनेन मुनिसमीपे कन्याप्रेषणं च।
॥४७९॥
दिवा य तेहिं मुणिणो, कहवि पमायाउ विकहकरणरया । ताहे गाढयरागं, अणुस्त्ता तम्मि ते जकूखा ॥६१९९॥ अह निच्च पि य भावेण, वंदमाणस्स पूयपावस्स । तं मुणिवसहं जकूखस्स, परमसोक्खेण जंति दिणा ॥६२००।। एगम्मि य पत्थावे, कोसलियमहीवइस्स भद्द त्ति । धूया बहुविहफलफुल्ल-पडलकरकिं कराऽणुगया ॥६२०१॥ आगंतूणं जकूरखस्स, पडिममऽच्चेइ परमभत्तीए । तं अच्चिऊण देती, पयाहिणं मलविलित्ततj ॥६२०२॥ कालविगरालरूवं, लायन्नविवज्जियं तवक्किसियं । मायंगमुणि पेच्छइ, काउस्सग्गेण बटुंतं
॥६२०३।। तो निच्छूढमऽणाए, मूढत्तणओ लहुच कुद्धेण । मुणिनि'दाकरणाओ, जकूखेण अहिट्ठिया सा य ॥६२०४॥ असमंजसाई बहुसो, पलवंती कहवि रायभवणम्मि । नीया नरवइणाऽवि हु, अच्चतविसबचित्तेण ॥६२०५॥ बहुमंतप्तपरमत्थ-वेइणो वाहराविया पुरिसा। विजा वि य तेहिं कया, चउप्पयारा वि से किरिया ॥६२०६।। अकयपडियारेतु य, वेजाऽऽइसु उवरएसु सो जक्खो। जंपइ पत्तम्मि ठिओ, एयाए निदिओ साहू ॥६२०७।। ता जइ एयं तस्सेव, देह मुंचामि नऽनहा मोकखो। जह तह जियउ वराइ त्ति, राइणा पडिसुयमिमं पि॥६२०८॥ अह सा पगुणसरीरा, सव्वाऽलंकारभूसिया घेत्तुं । वीवाहजोग्गमुवगरण-माऽऽगया भूरिरिद्वीए ॥६२०९।। चलणेसु निवडिऊणं, भणइ मुणि' कुण पसायमिह भगवं!। मझ सयंवराए, गिण्हेसु करं करेणं ति॥६२१०॥ मुणिणा वुत्तं इत्थीहि, जे समं जंपिउ पि नेच्छंति । ते कह निययकरेहि, रमणीण करे गहिस्संति॥६२१॥ सिद्धिवहुबद्धरागा, दुग्गइमूलासु कह णु जुवईसु । रज्जति महामुणिणो, गेवेजनिवासितियस व ॥६२१२॥
॥४७९॥
