________________
संवेगरंगसाला
आर्जवस्य गुणाः पाण्डरायाः दृष्टान्तः च ।
॥४६४॥
अजवगुणेण पुरिसो, संचरई जत्थ जत्थ तत्थ तहिं । सुयणो सरलसहावो, इमो त्ति सलहिजइ जणेणं ॥६००२॥ आरूढजणपसंसस्स, पुण्णगुणा संकमंति सयराहं । गुणगणगवेसिणो ता, जुत्तो जत्तो तहिं का ॥६००३॥ महुरतं दंसित्ता, माई पच्छा वि दरिसियवियारो । तकं व जयम्मि नरो, न रोयए चत्तमहुरत्तो ॥६००४॥ अट्ठमयपावठाणग-दोसे नायमिह पंडरजाए । अहवा दोसगुणेसु वि, अहक्कम दो वणियपुत्ता ॥६००५॥ तथाहिएगम्मि पुरे धणवंत-गरुयकुलसंभवा भवुविग्गा । पव्वज' पडिवन्ना, एगा सुस्सावगाण सुया ॥६००६॥ सुस्समणीण मज्झे, वसमाणी सा य गिम्हसमयम्मि । अच्चतमलपरीसह-पराजिया देहसकारं ॥६००७।। अंसुयसकारं पि हु, कुणमाणी चोयणं च समणीहिं। दिजति असहंती, भिन्नम्मि पडिस्सयम्मिठिया ॥६००८॥ पंडरपडदेहत्तेण, सा पसिद्धा य पंडरज त्ति । कुणइ य पूयाहेउ', विजाए नयरजणखोभं
॥६००९॥ अह पच्छिमम्मि काले, कहं पि संजायपरमवेरग्गा । सुगुरुसमीवे पडिवन्न-पुव्वदुचरियपच्छित्ता ॥६०१०॥ संघसमकख घेत्तृण-मष्णसणं सा ठिया सुहज्झाणे । णवरं पूयाहेउ, मंतेणाऽऽयड्ढइ लोयं ॥६०११।। तीए समीवे पुरलोय-मितमणिसं पलोइउ गुरुणा । भणिया महाऽणुभावे !, मंतऽभिओगो न ते जुत्तो॥६०१२।। "मिच्छा मि दुक्कडं" "नो, पुणो विकाहामि चोइया सुट्ठ" । पडिभणियमिणं तीए, नवरं अवरम्मि पुण दियहे॥६०१३॥ विजणे ठाउं अतरंतियाए, आयढिओ पुणो लोगो । पडिसिद्धा य गुरूहि, ता जाव चउत्थवेलाए ॥६०१४॥
॥४६४॥
