________________
संवेग
रंगसाला
मानत्यागेन बाहुबले केवलप्राप्तिः मायास्वरूपं च।
॥४६३॥
काउस्सग्गेण ठिओ, उप्पन्ने केवलम्मि बच्चिस्सं । एत्तो ति कयपइन्नो, आवरिसं निरऽसणो किसिओ ॥५९८९॥ वरिसंऽते जिणपेसिय-बभीसुदरीतवस्सिणीहिं च । भणिओ भाउग! ताओ, आणवइ न हत्थिचडियाण ॥५९९०॥ उप्पजइ किर नाणं ति, तयणु सो जा विभावए सम्मं । ता माणमेव हत्थिं, मुणिऊणं जोयसुहभावो॥५९९१॥ उज्झियमाणो जिणपाय-मूलगमणाय उकिखवियचलणो। तिन्नपइन्नो जाओ, वरकेवलनाणलाभेणं ॥५९९२॥ इय माणपवित्तिनिवित्तिभाव-संपजमाणदोसगुणे । खमग! महासत्त! विहा-विऊण सुद्धाएं बुद्धीए ॥५९९३॥ तुममाऽऽराहणमेयं, आराहिय चरणवरगुणोवेयं । दंसणनाणसमेयं, पावसु सिवसोकखमऽपमेयं ॥५९९४॥ सत्तमयपावठाणं, उवइ8 माणगोयरं एयं । एत्तो मायाविसयं, अट्ठमयं कि पि साहेमि
॥५९९५॥ माया उव्वेयकरी, धम्मियसत्थेसु निदिया माया । माया पावुष्पत्ती, धम्मक्खयकारिणी माया ॥५९९६॥ माया गुणहाणिकरी, दोसाण विवड्ढणी फुड' माया । माया विवेयहरिणंऽक-बिंबगसणेकराहुगहो ॥५९९७।। पढियं नाणं चरियं च, दंसणं पावियं च चारितं । तवियं सुचिरं पि तवं, जइ माया ता यं सव्वं ॥५९९८।। अच्छउ तो परलोए, इहलोए चिय नरो उ माइल्लो । जइ वि अकयाऽवराहो, तहा वि सप्पो व्व भयहेऊ ॥५९९९।। जह जह करेइ माय, तह तह १अप्पच्चयं जणे जणइ । अप्पच्चयाओ पुरिसो, २अक्कयतूला लहु होइ ॥६०००। ता भाविऊण एयं, सुंदर! परिहरसु सव्वहा मायं । तव्वजणेण अणवञ्ज, अजवं जायए जेण ॥६००११॥
१ अप्रत्ययम् = अविश्वासम् । २ अर्कतूलात् ।
॥४६३॥
