________________
संवेगरंगसाला
सैनिकवचनेन प्रसन्नचन्द्रस्य मनसि कोपः श्रेणिकस्य प्रश्न: च ।
॥४५८॥
उग्गविसविसहराऽऽउल-घरं व पोयणपुराहिवो रजं । मोत्तुं वीरजिणंऽते, पसन्नचंदो विणिकवतो ॥५९२४॥ विहरतो जयगुरुणा, समं च रायग्गिहम्मि संपत्तो। ओलंबियभुयपरिहो, उस्सग्गेण य ठिओ सम्मं ॥५९२५।। जिणवंदणज्टुपट्ठिय-सेणियनिवअग्गसेन्नगामीहिं। दिट्ठो दुम्मसुमुहाऽ-मिहाणपुरिसेहिं दोहिं तओ ॥५९२६।। सुमुहेण जंपियं जयइ, एसो सहलं च जीवियमिमस्स । जो रज तह वज्जिय, पव्वज इय पवन्नो त्ति ॥५९२७।। तो दुम्मुहेण भणियं, भद्द ! अलं संकहाए एयस्स । जो असमत्थं पुत्तं, रज्जे ठविउ सयं कीबो ॥५९२८।। पासंडं पडिवन्नो, वेरिभया एवमेत्य संवसई । रज्जं सुओ पया वि य, तह पीडिज्जंति सत्तूहि ॥५९२९।। एवं सोचा तकखण-विस्सुमरियधम्मझोणपडिबधो। साहू पसन्नचंदो, कुवियो चितेउमाऽऽढत्तो ॥५९३०।। को मइ जीवंतम्मि वि, मज्झ सुयं रजमवि य विद्दवइ । मन्ने सीमालमही-वईण दुविलसियं एयं ॥५९३१।। ता ते विद्ध सित्ता, करेमि सुत्थं ति पुब्वनाएण । उस्सग्गठियो वि रणेण, तेहिं सद्धि समाऽवडिओ॥५९३२॥ धम्मज्झाणठियं पिव, अह तं दळूण सेणिओ राया। अहह ! महप्पा कह वह त्ति, विम्हयरसाऽऽउलिओ।।५९३३।। भत्तिभरमुबहन्तो, सव्वाऽऽयरविहियतप्पयपणामो। चितइ एरिसमुहझाण-संगओ जइ जियं चयइ ॥५९३४।। एसो महाऽणुभावो, उप्पजइ ता कहि ति जिणनाहं । पुच्छिस्सं ति विभाविय, जयगुरुपासं समल्लीणो॥५९३५।। पुट्ठो य जएक्कपहू, पसन्नचंदो तहाविहे भावे । वट्टतो मरिऊणं, उप्पजइ कत्थ मे कहसु ॥५९३६।। भणियं पहुणा सत्तम !, नरए उप्पाइ त्ति तो राया । नूणं मए न सम्मं, सुयं ति चिंताऽऽउरो जाओ ॥५९३७॥
॥४५८॥
