________________
संवेगरंगसाला
क्रोधपापस्थानस्वरूपम् ।
॥४५६॥
जत्तो तत्तो य खिवंतयाण, अह कहवि ववगए किट्टे । एगस्स उ कुसयस्सा, पयर्ड चामीयरं जायं ॥५८९९।। रायपुरिसेहिं तत्तो, उड्डा गहि समप्पिया रन्नो। पुट्ठा य कत्थ अन्ने, विक्कीया कहह कुसग त्ति ॥५९००॥ तेहिं कहियं नराहिव :, दिन्ना जिणदाससेद्विणो दोन्नि । अवसेसा नीसेसा, उवणीया नंदवणियस्स ॥५९०१॥ एवं भणिए रन्ना, वाहरि' पुच्छिओ हु जिणदासो। सिट्ठो य तेण सव्वो, जहडिओ नियगवुत्तंतो ॥५९०२॥ ताहे रन्ना सम्माणिऊण, सो पेसिओ नियगिहम्मि । नदो य नियमहट्ट', समागओ पुच्छए पुत्तं ॥५९०३।। कि रे! कुसया गहिया, न वत्ति तेणं पयंपियं ताय!। बहुमुल्ल त्ति न गहिया, तो ताडितो उरं नंदो ॥५९०४॥ हा! हा ! मुट्ठो त्ति पयंपिरो य, जंघाउ भंजइ कुसेण । एयाणमेस दोसो, जेण गओ हं परगिहे त्ति ॥५९०५।। तो वज्झो आणत्तो, सो रन्ना अवहड च सव्वस्सं । एमाऽऽई बहू दोसा, इच्छाविणिवित्तिरहियाणं ॥५९०६।। इय खमग! मणागं पि हु, परिग्गहे मा मणो धरिजासि । खणदिट्ठनहरूवे, का वंछा तत्थ धीराण ॥५९०७॥ एवं परिग्गहविसयं, पंचमगं पावठाणगं वुत्तं । कोवसरूवाऽऽवेयण-परमेत्तो भन्नइ छटुं
॥५९०८॥ कोहो विगंधिदव्यु-भवो ब्व कोहो न कस्स उव्वेयं । उवजणयइ एत्तो च्चिय, चत्तो दूरेण विबुहेहिं॥५९०९।। किञ्च
गुरुकोवजलणजाला-कलावसविसेसकवलियविवेगो। न वियाणइ अप्पाणं, परं च परमत्थओ पुरिसो ॥५९१०॥ । उप्पजमाणओ चिय, कोहो पुरिसं डहेइ ता पढमं । जत्थुप्पण्णो तं चेव, इंधणं धूमकेउव्व ॥५९११॥
॥४५६॥
