________________
I
संवेगरंगसाला
परिग्रहस्वरूपम् ।
॥४५३॥
इय संखोभवसेणं, लजाए गया दुवे विदेसम्मि । तम्मायरो य जलहिम्मि, चेव पडि विवन्नाओ ॥५८६१॥ सो उ अणुव्वयधारी, जणणि' घेत्तुं गओ सनयरम्मि । विनायवइयरेणं, पसंसियो पउरलोएण ॥५८६२॥ इय सोऊणं सुंदर !, दरजणणं मुणियपरमतत्ताणं । चय अब्बम बंभ च, भयसु आराहणेक्कमणो ॥५८६३।। एवं मेहुणनामग-पावट्ठाणं चउत्थमऽकूखायं । पंचमपावट्ठाणं, परिग्गहमओ निदंसेमि
॥५८६४॥ एसो य सयलपाव-ट्ठाणगपासायनिच्चलपइट्ठा । भूरिसिरासंपवहो, गंभीरसंसारकूवस्स
॥५८६५॥ महुसमओ बुहनि दिय-कुवियप्पअणप्पपल्लवुब्भेए । एगग्गचित्तयादीहि-याए गिम्हुम्हसंभारो ॥५८६६।। पाउससमओ नाणाऽऽइ-विमलगुणरायहंसवग्गस्स । सरयाऽऽगमो य गरुयाऽऽ-रंभमहासस्ससिद्धीए ॥५८६७।। साऽऽयत्ताऽऽणंदविसिट्ठ-सोकखकमलिणिवणस्स हेमंतो। सिसिराऽवसरो सुविसुद्ध-धम्मतरुपत्तसाडस्स ॥५८६८॥ मुच्छावल्लीए अखंड-मंडवो काणणं दुहतरूणं । संतोससस्यससिणो, दाढुग्गा विडप्पमुहं
॥५८६९॥ अच्चतमऽविस्सासस्स, भायणं मंदिरं कसायाणं । दुन्निग्गहो गहो इव, परिग्गहो कं न विनडेइ ॥५८७०॥ धणधनखेत्तवत्थूसु, रुप्पसुवन्ने चउप्पए दुपए । कुविए य करेज बुहो, एत्तो च्चिय निचपरिमाणं ॥५८७१॥ इहरा उ इमा इच्छा, दिनजहिच्छा अईव दुचिगिच्छा । सपरजणरुद्धदिच्छा, पूरिजइ कहवि जई किच्छा ॥५८७२।। जीवस्स जमिह तोसो, न सया न सहस्सओ न लक्खाओ। न य कोडिओ न रजा, न य देवत्ता न इंदत्ता॥५८७३॥ जओ
॥४५३॥
