________________
संवेगरंगसाला
अजशब्दार्थविवादे पर्वतस्य जिह्वाछेदप्रतिज्ञा ।
॥४४३॥
जेणऽतरियो हरिणी, पयडो दीसइ तमऽभुयं स्यणं । देवस्स चेव जोग्गं ति, आगओ तुम्ह कहणट्ठा॥५७३०॥ एवं सोचा रना, फलिहसिलाऽऽणाविऊण सा रहसि । सिंहासणकरणट्ठा, समप्पिया सिप्पियजणस्स ॥५७३१॥ निम्मायम्मि य तम्मि, अत्याणीमंडवे य ठवियम्मि । आसीणो नरनाहो, नजइ गयणं गणठिओ व्व ॥५७३२॥ विम्हइओ नयरिजणो, गया पसिद्धी य सेसराईसु । सच्चेण वम् राया, जह अच्छइ नहयलाऽऽसीणो ॥५७३३।। एयपवायनिमित्तं च, सिप्पिणो ते विणासिया सव्वे । दूरट्ठिओ य लोगो, लहेइ विन्नत्तियं काउ' ॥५७३४|| एवं वच्चति काले, ते पुण पब्बयगनारया सिस्से । वेयरहस्सं पाढंति, नियगनियगेसु गेहेसु ॥५७३५।। अवरम्मि य पत्थावे, पुचप्पणएण पव्वयगपासे । बहुसिस्सपरिवुडो ना-रओ गओ सगुरुपुत्तो ति ॥५७३६।। विहिया से पडिवत्ती, पब्वयगेणं ठिया य गोट्ठीए । पत्यावे पव्वयगेण, अद्ववकूरखायवेयपयं ॥५७३७।। जन्नाहिगारसंतिय-मञ्जेहिं जवमिति ससिस्सागं । वक्खाणियं अजेहि, छयलेहिं इइ विमूढेणं ॥५७३८|| तो नारएण भणियं, भणंति अजा तिवरिसपरिवसिया । इह वीहियाऽऽदओ तेहिं', चेव जट्टव्वमाऽऽह गुरू ॥५७३९॥ नो पडिवन्नमिमं प-व्वएण जाओ महं विसंवाओ। जिब्भच्छेयपइन्ना, कया य जो जिप्पइ वाए ॥५७४०॥ सहपढिओ ति वसुनिवो, एत्थ पमाणं कया इय ववत्था । अह तज्जणणी भीया, सच्चगिरं नारयं नाउ ॥५७४१।। धुवमिन्हिं मह पुत्तो, जीहच्छेएण पाविही मरणं । ता पन्नवेमि नरवइ-मिइ सा वसुमंदिरम्मि गया ॥५७४२।। अब्भुट्टिया य रन्ना, गुरुणो भञ्ज ति तीए तो सिट्ठो। एगंते से सव्वो, नारयपव्वयगवुत्तो ॥५७४३॥
॥४४३॥
