________________
संवेग
रंगसाला
एवं कल्लाणपरं-परं परं पाणिणो समजिति । जीए पसाया पुजा य, होति सा जयइ सचगिरा ॥५७१७॥ सच्चम्मि तवो सच्चम्मि, संजमो तम्मि चेव सव्वगुणा । अइसंजओ वि मोसेण, होइ तिणलवसमो पुरिसो ॥५७१८॥ इय सुंदर ! जाणित्ता, सच्चाऽसच्चचवियाण दोसगुणे । चेचा असच्चवयणं, सच्चगिरं चिय समुल्लवसु ॥५७१९॥ बीयगपावट्ठाणे, ठाणभंसाऽऽइणो बह दोसा । वसुणो ब्व तन्नियत्ताण, पुण गुणा नारयस्सेव ॥५७२०॥
सत्यासत्यवचनयोः नारदवसुमृपयोः कथा।
॥४४२॥
तहाहि
जंबुद्दीवे दीवे, सुत्तिमईए पुरीए नरनाहो। अभिचंदनामधेओ, अहेसि पुत्तो य तस्स वसू ॥५७२१॥ वेयाऽवगमनिमित्तं, सो पिउणा आयरेण उवणीओ। अज्झावगस्स गुणिणो, खीरकर्यबस्स विपस्स ॥५७२२॥ पव्वयगेणं उज्झाय-मूणुणा नारएण य समेओ। पढइ वसुरायपुत्तो, वेयरहस्सं अविस्सामं ॥५७२३॥ अन्नदियहम्मि तिन्नि वि, एए पासित्तु गयणगामीहि । अइसयनाणीहि महा-मुणीहि अवरोप्परं भणिय ॥५७२४॥ वेयमऽहिज्जति इमे, जे तेसि दोन्नि अहरगइगामी। एगो य उड्ढगामि त्ति, जंपिउ ते तिरोभूया ॥५७२५॥ खीरकयंबो य इम, सोचा धी! धी! निरत्थपाढेण । इति संवेगमुवगतो, पव्वइओ मोक्खमऽणुपत्तो ॥५७२६॥ अह अहिचं देण वसू , अहिसित्तो णियपए णिवो जाओ। रज्जं च मुंजमाणस्स, तस्स एगेण पुरिसेण ॥५७२७॥ आगंतूणं भणियं, अडवीए गएण देव ! अन्ज मए । हणणट्ठा पामुक्को, बाणो हरिणस्स सो य लहु ॥५७२८।। पच्छाहत्तो अभिडिऊण, पडिओ सबिम्हएण मए । तो फलिहसिला विमला, दिट्ठा करफरिसणवसेण ॥५७२९॥
॥४४२॥
