________________
संवेगरंगसाला
प्राणिवधस्वरूपम् ।
॥४३२॥
पाणा उस्सासाऽऽई, संति इमेसि ति पाणिणो जीवा । तेसि वहो विद्ध 'सो, पाणिवहो सो य नरयपहो ॥५५८१॥ धम्मज्झाणसरोरुह-संडाणमऽकंडचंडहिमवुट्ठी। निस्सूगयाऽगणीए, महल्लचुल्लीपरिकलेवो
॥५५८२॥ तह रोद्दट्टज्झाणतणंऽकु-रेकपारोहपाउसाऽऽरंभो। जलकुल्ला य महल्ला, अकित्तिवल्लीवियाणस्स ॥५५८३॥ परचक्काऽऽगमसवणं, पसन्नजणवयणमणजणवयाणं । तह असहणयाअविरई-रइपीईणं कुसुमबाणो ॥५५८४॥ पजलियदीवपत्तं, महंतपाणिपयंगवग्गस्स । तलमुदहिणो अगाहं, अच्चुक्कडपावपंकस्स
॥५५८५॥ अच्चतदुग्गदुग्गइ-सेलगुहाए महं मुहपवेसं । भवदहणतवियबहुदेहि-लोहघणघायअहिगरणी
॥५५८६॥ खताऽऽइगुणकणुक्कर-पीसणकरघणघरट्टजंतं व । तह नरयभूमिहरयस्स, पउणअवयरणनिस्सेणी ॥५५८७|| वहबंधरोहधणहरण-जायणामारणाणि इह चेव । पाणिवहम्मि पसत्तो, सत्तो पावेइ पुणरुतं
॥५५८८॥ दिक्खादेवऽच्चणदाण-झाणतवविणयपमुहकिरियाओ। जीवदयाए विहीणा, सव्वाउ निरत्थिया होति ॥५५८९।। • जइ नाम परमधम्मो, गोबभणमहिलवहनिवित्तीए । तत्ता वि कहं न परमो, सो सव्वजियाण रकूखाए ॥५५९०॥ सव्वे चिय संबंधा, पत्ता जीवेण सव्वजीवेटिं। तो मारेंतो जीवे, मारइ संबधिणो सव्वे ॥५५९१॥ मारेइ एगमऽवि जो, जीवं सो बहसु जम्मकोडीसु । बहुसो मारिज'तो, मरइ विहाणेहिं बहुएहिं ॥५५९२॥ जावइयाई दुक्खाई, होति चउगइगयस्स जीवस्स । सव्वाई ताई हिंसा-फलाई निउणं निरुवेसु ॥५५९३॥ जीववहो अप्पवहो, जीवदया अप्पणो दया होइ । इय सव्वजीवहिंसा, परिचत्ता अत्तकामेहि ॥५५९४॥
॥४३२।।
