________________
संवेगरंगसाला
निर्याकद्वार| स्वरूपम् ।
॥४१५॥
अह परमपसमरसपरिणयरस, सुपसन्नचित्तवित्तिस्स । सव्वप्पणा निरंभिय-नीसेसाऽऽसवदुवारस्स ॥५३५५।। दव्येणं भावेण य, परमं निस्संगयं उवगयस्स । सुविमुज्झमाणदढसुक्क-झाणनिम्महियकम्मस्स ॥५३५६॥ जलसंथारगयम्स वि, अच्चतनिरुद्धसव्वजोगस्स । मणवंछियऽत्थसिद्धी, जाया निव्याणलाभेणं ॥५३५७॥ एवं जलसंथारय-माऽऽसजनियसुओ समऽणुसिट्ठो। तससंथारगविसए य, संसिओ च्चिय चिलाइसुओ ॥५३५८।। अन्नत्थ वि जो जम्मि, समभावा पाउणेज पजते । सुसमाहि सो सम्बो, नायव्यो तस्स संथारो ॥५३५९॥ इय संथारगओ सो, अणुत्तरं तवसमाहिमाऽऽरूढो। पफोडतो विहरइ, बहुभवबाहाकरं कम्मं ॥५३६०॥ |चक्कीण वि न य सुहं तं, न तं सुहं सयलसुरवराणं पि। जं दव्वभावसंथा-रगत्थमुणिणो अरागस्स ॥५३६१॥ एवं संथारगतो, गओ व्व चिररूढकम्मदुमगणं । चूरेतो चरणेणं, चरेज निरऽवजतरजोगो ॥५३६२॥ इय मयणभुयगगरुलोवमाए, संवेगरंगसालाए । संविग्गमणोमहुयर-कुसुमियवणराइतुल्लाए
॥५३६३॥ आराहणाए पडिदार-नवगमइए ममत्तवोच्छेए । तइए दारे भणियं, तइयं संथारपडिदारं
॥५३६४॥ तह संथारगयस्स वि, निजामगमंऽतरेण न समाही। संपजइ खवगस्सा, ता तद्दारं निदंसेमि ॥५३६५॥ अह सो कयसलेहो, निहयपरीसहकसायसंताणो। छत्तीसगुणोवेए, पच्छित्तविसारए धीरे
॥५३६६॥ पंचसमिए तिगुत्ते, अणिस्सिए गगदोसमयरहिए। कडजोगी कालन्नू, नाणचरणदंसणसमिद्धे ॥५३६७॥ मरणविहिकालकुसले, इंगियपत्थियसहायवेत्तारे। ववहारविहिविहन्नू , अब्भुजयमरणसारहिणो ॥५३६८॥
॥४१५॥
