________________
संवेगरंगसाला
अनलोदकसंस्तारकयोः गजसुकुमालअर्णिकापुत्रयोः दृष्टान्तौ ।
॥४१२॥
बारवईए नयरीए, अहेसि कन्हो त्ति पच्छिमो विन्हू । जायवकुलेककेऊ, भरहद्धवसुंधरानाहो ॥५३१४॥ गयसुकुमालो नामेण तस्स, आसी कणीयसो भाया । सो य अणिच्छंतो वि हु, जणणिजणदणपमोकखेहि ॥५३१५।। सयणेहि सोमसम्माऽ-मिहाणविष्पस्स संतियं धूयं । परिणाविओ वि सोउ, धम्मं जिणनेमिपासम्मि ॥५३१६॥ नवजोव्वणो वि कामोवमो वि, खणनस्सरं जयं नाउ'। पव्वज पडिबन्नो, चरिमसरीरो महासत्तो ॥५३१७॥ विहरइ पुराऽऽगराऽऽइसु, जिणेण सद्धि पणट्ठभयमोहो । चिरकालाओ पुणरवि, नयरिं बारवइमऽणुपत्तो ॥५३१८॥ रेवयगिरिम्मि य जिणो, समोसढो तियसविरइओसरणो । गयसुकुमालमुणी पुण, पडिमाए ठिओ मसाणम्मि ॥५३१९॥ अह कहवि तं पएस, पत्तेणं तेण सोमसम्मेण । सो एस मज्झ धूया, परिणित्ता उज्झिया जेणं ॥५३२०॥ इइ जायतिव्यकोवेण, हणिउकामेण तस्स सीसम्मि । काऊण मट्टियाए, पाली भरिया चियऽग्गीए ॥५३२१॥ ताहे गयसुकुमालो, डझतो तेण सीसजलणेण । आपूरियसुहझाणो, अंतगडो केवली जाओ ॥५३२२॥ इय अग्गी संथारो, इमस्स एत्तो य सलिलसंथारो। जस्साऽहेसि स सीसइ, अनियपुत्तो मुणिवरिंदो ॥५३२३॥ सिरिपुष्फभद्दनयरे, पयंडरिउपक्खदलणदुल्ललिओ। आसी महानरेंदो, नामेणं पुण्फकेउ त्ति ॥५३२४॥ देवी से पुष्फवई, तीए पुण जमलगत्तणुप्पन्नो । पुत्तोऽथि पुष्फचूलो, धूया पुण पुष्कचूल त्ति ॥५३२५॥ ताणि य परोप्परं गाढ–पणयवंताणि पेच्छिउ रना । अवियोगकए परिणा-वियाणि अन्नोन्नमेव तओ॥५३२६॥
॥४१२॥
