________________
संवेगरंगसाला
संस्तारकस्वरूपम् ।
॥४१॥
पणा य
गारवतिगेण रहिआ, तिदंडपरिमोडणे पहियकित्ती । जो य निराऽऽसंसमणो, सफलो खलु तस्स संथारो ॥५३०२॥ छकायस्कूखणऽट्टा, निविट्ठचेट्ठो पणट्ठअट्ठमओ। विसयसुहनिप्पिवासो, जो सो संथारफलंभागी ॥५३०३॥ समणो समाहियमणो, संजमतवनियमजोगजुत्तमणो। सपरकसायपसमणो, जो सो संथारफलभागी ॥५३०४॥ सुविहियगुणवित्थारं, संथार जे लहंति सप्पुरिसा । तेहि जियलोगसार', रयणाऽऽहरणं कयं होइ ॥५३०५॥ सव्वंसहत्तसन्नाह-विहियसव्वंऽगरकखणो खिप्पं । सम्मन्नाणाऽऽइगुणा, मोहमहापहरणवमालो ॥५३०६॥
अइयारमलविवज्जिय-पंचमहव्वयगइंदमाऽऽरूढो। पत्थुयसंथाररणंड-गणाऽऽवलीविलसमाणो य ॥५३०७॥ , उवसग्गपरीसहसुहड-उब्भड पबलकम्मरिउसेण्णं । निज्जिणिऊणं गेण्हइ, वीरो आराहणपडागं ॥५३०८॥ सम्मत्तभूमिगाए, विसुद्धसद्धम्मगुणतणेसु च । पसमफलगे व सुविसुज्झ-माणलेसासिलाए वा ॥५३०९।। संथारइ अप्पाणं, काउ संलेहणं पर आया। जम्हा तिगुत्तिगुत्तो, ता सो च्चिय होइ संथारो ॥५३१०॥ किंचन वि कारणं तणमओ, संथारो न वि य फासुया भूमी। अप्पा खलु संथारो, भवति विसुद्ध मरंतस्स ॥५३११॥ अग्गिम्मि वि उदगम्मि वि, पाणेसु य तह य बीयहरिएसु । तस्स भवे संथारो, तिविहेण वि जो असंभंतो॥५३१२॥ अग्गिउदगपाणाऽऽइसु, जहाकमेणं भवंति आहरणा। गयसकुमालनियसुय-चिलाइपुत्ताऽऽइणो धीरा ॥५३१३॥ तहादि
॥४११॥
