________________
संवेगरंगसाला
संस्तारकस्वरूपम् ।
॥४.९॥
पुढवीसिलामओ वा, फलहमओ तणमओ य संथारो। कीरइ समाहिहे उत्तरसिर अहव पुव्वमुहो ॥५२७५।। तत्थ य फायदेसे, समे अझुसिरे य भूमिसंथारो। अप्फुडियअसंसत्तो, समपद्विासिलामओ होइ ॥५२७६।। निच्छिड्डुगनिकंपो, लहुओ एगऽगिओ य फलहमओ । निस्संधी १अप्पोल्लो, तणसंथारो भवति मउओ ॥५२७७।। एसो पुण संथारो, उभओकालपडिलेहणासुद्धो। जुत्तपमाणविरइओ, आरुहियव्यो तिगुत्तेण
॥५२७८॥ निस्संगयाए लिंगं, भणिया एए वि दबसंथारा । मुणिणो भावसमाहीए, कारणत्तेण अह तत्थ ॥५२७९।। संलीणयाठियप्पो, संवेगगुणन्निओ य तक्कालं । संथारम्मि निसन्नो, विहरइ संलेहओ धीरो ॥५२८०॥ अह दढकढिणत्तणओ, तणसंथाराऽऽइएसु खवगस्स । चिट्ठिउमऽपारयंतस्स, होज्ज जइ कह वि असमाही ॥५२८१॥ ता तत्थ पत्थरिजंति, एगदुगमाऽऽझ्या वि से [कथा] कप्पा। अववाएणं ताजा, पावारगतूलिमाऽई वि ॥५२८२॥ एवमऽणेगपयारो, वुत्तो दव्वं पडुच्च संथारो। तं चिय अणेगभेयं, जाणसु भावं पुण पडुच्च ॥५२८३।। रागं दोसं मोहं, कसायजालं च दरमुज्झितो। संपत्तपरमपसमो, २आय चिय होइ संथारो ॥५२८४॥ सावज्जजोगविरओ, संजमसारो तिगुत्तिगुत्तो य। समियप्पा भावजई, आय चिय होइ संथारो ॥५२८५।। निम्ममनिरऽहंकारो, समतणमणिलेट्टकंचणो धणियं । मुणियपरमऽत्थसारो, आय चिय होइ संथारो ॥५२८६।। जस्स परे सयणे वा, मित्ते सत्तम्मि अप्पपरविसए। परमसमया हु सो चिय, आया संथारओ नेओ ॥५२८७।।
१ अप्पोल्लो = शुधिररहितः । २ आय = आत्मा ।
॥४०९॥
