________________
संवेगरंगसाला
आलोचयितव्यविषयद्वारम् ।
॥३९॥
सुदिसाओ पुण पुच्चुत्तराउ, अहवा चरति जिणमाऽऽई। जा नवपुची जीए, जीए जिणचेइयाई वा ॥५०३२॥ तत्थजइ पुव्वमुहाऽऽयरिओ, तो इयरो ठाइ उत्तराभिमुहो। अह उत्तरआयरिओ, तो इयरो ठाइ पुन्चमुहो ॥५०३३।। पाईणोदीणमुहो, चेइयत्तो व्य मुहनिसनो य। आलोयणं पडिच्छइ, परोवयारेकरसियमणो ॥५०३४॥ भत्तिबहुमाणपुच्चग-मुचियं दाऊणमाऽऽसणं गुरुणो । काऊण य किडकम्म, कयंजली अभिमुहो य ठिओ॥५०३५।। संविग्गभवुविग्गो, विसयविरत्तो य सो महासत्तो। उक्कोसेणुकुडुओ, जइ पुण अरिसाऽऽइरोगत्तो ॥५०३६॥ बहुपडिसेवी य भवे, अणुनवेउ' तओ निसेजगओ। भत्तिविणउत्तमंगो, वियडेजा अवितहं सव्वं ॥५०३७।। जह बालो जंपतो, कञ्जमऽकजं च उज्जुओ भणइ । तं तह आलोएजा, मायामयविप्पमुको य ॥५०३८॥ दुविहेणऽणुलोमेणं, आसेवणवियडणाऽभिहाणेणं । आसेवणाऽणुलोम, जं जह आसेविअं वियडे ॥५०३९॥ आलोयणाऽणुलोम, गुरुगऽबराहे उ पच्छओ वियडे । पणगाऽऽइणा कमेणं, जह जह पच्छित्तवुड्ढीओ ॥५०४०॥ तह आउट्टियदप-प्पमायओ कप्पओ य जयणाए । कज्जे वा जयणाए, जहट्ठियं सव्वमाऽऽलोए ॥५०४१।। चउसवणा साहणं, छस्सवणा साहणीण नायब्धा । सा पुण गुरुम्मि वुड्ढे, वुड्ढाए अप्पबीयाए ॥५०४२॥ होइ तह अट्ठसवणा, तरुणम्मि गुरुम्मि अप्पबीयस्स । अप्पबीयोए देया, तरुणीए थेरिसहियाए ॥५०४३।। जह दायव्वा तह वनिया उ, आलोयणा समासेणं । एत्तो उ अणेगविहं, आलोएयव्वयं वोच्छं ॥५०४४॥
॥३९१॥
