________________
संवेगरंगसाला
आलोचना “यथादातव्या" इति द्वारम् ।
॥३९०॥
आलोयणागुणा खलु, इइ एवं वन्निया समासेणं । एत्तो जह दायव्वा, तह वोच्छं तत्थिमा मेरा ॥५०१८॥ वखेवविरहिएण' पसत्थदव्याऽऽइजोग२ सुदिसाए । विणएण मुज्जुणाऽऽसे-वणाऽऽइलोमेण छस्सवणा ॥५०१९॥ वकूखेवविरहिएणं, निच चिय जइजणेण होयव्वं । मोत्तण संजमपयं, विसेसओ वियडणाए उ ॥५०२०॥ विहिं तिहिं वा दिवसेहि, दोयव्याऽऽलोयण त्ति तो सम्मं । सुत्तविउद्घो हियए, अवराहपए निवेसेज्जा ॥५०२१॥ तो ऋजुभावमुवगओ, सव्वे दोसे सरितु तिकखुत्ता। लेसाहिं विसुज्झतो, उवेइ सल्ल समुद्धरिउ ॥५०२२॥ पच्चाऽऽगयसंवेगो, सम्मं वियडेज तह जहा कम्मं । परिणामविसेसेणं, छिदेज भवंतरकयं पि ॥५०२३॥ दव्वाऽऽइया य चउरो, एकेक दुहा पसत्थमऽपसत्था । अपसत्थे वज्जेउ', पसत्थएसुं तु आलोए ॥५०२४॥ अमणुन्नधनरासी, अमणुन्नदुमा य होति दव्वम्मि । खेत्तम्मि भग्गझामिय-घरऊसरपमुहठाणाई ॥५०२५।। काले दड्ढतिही तह, अमावसा अट्ठमी य नवमी य । छट्ठी य चउत्थी बा-रसी य दोहं पि पक्खाणं ॥५०२६॥ तह संझागयरविगय-पमोकखनकखत्तअसुहजोगा य । भावे य रागदोसा, पमायमोहाऽऽदओ अहवा ॥५०२७।। एएसु नाऽऽलोए, आलोएज्जासु तविवखेसु । दब्वे सुवन्नमाऽऽईसु, खीरदुमाऽऽईसु वाऽलोए ॥५०२८॥ उच्छवणे सालिवणे, चेहरे चेव होइ खेत्तम्मि । गंभीरसाऽणुनाए. पयाहिणाऽऽवत्तमुदए य ॥५०२९॥ पुव्वुत्तसेसतिहिरिकख-करणजोगाऽऽडा सुकालम्मि । भावे मणाऽऽइपसमे, उच्चाऽऽइठिएमु य गहेसु ॥५०३०॥ सोमग्गहलग्गेसु व, पुन्नेसु पसत्थभावजणगेसु । सुहदव्वाऽऽइसमुदओ, जोगो पुण एत्थ विन्नेओ ॥५०३।।
॥३९
॥
