________________
संवेगरंगसाला
"आकम्पयित्वा" इत्यादि दशदोषाणां | स्वरूपम् ।
॥३८२।।
वेयावच्चाईहिं', पुव्वं आकंपइत्तु आयरियं । आलोएइ कहं मे, थेवं वियरेज पच्छित्तं
॥४९१२॥ तथाहिभत्तेण व पाणेण व, उवगरणेणं च कीइकम्मेणं । आकंपेऊण गणि, करेइ आलोयणं कोई ॥४९१३॥ आलोइयं असेसं, होही काही अणुग्गहमिमो त्ति। इय आलोइंतस्स उ, पढमो आलोयणादोसो ॥४९१४॥ नाऊण विसं पुरिसो, जह को वि पिवेज जीवियऽत्थी उ। मन्नतो हियमाहियं, सल्लविसोही तहेसा वि ॥४९१५॥ कि एस उग्गदंडो, मिउदंडो व त्ति एवमऽणुमाणे । अहव अबलो त्ति थेवं, पच्छित्तं मज्झ देजाहि ॥४९१६॥ धन्ना ते भगवंतो, सुट्ठ २निसट्ठ' च जे कुणंति तवं । वयइ निहीणो खु अहं, जं न समत्थो तवं काउ' ॥४९१७।। जाणह य मज्झ थाम, गहणीदोबल्लया अणाऽऽरोग्गं । तुम्ह पभावेण इमं, सोहि बहु नित्थरिस्सामि ॥४९१८॥ अणुमाणेऊण गुरु', एवं आलोयणं तओ पच्छा । कुणइ ससल्लो ता सो, बीयो आलोयणादोसो ॥४९१९॥ गुणकारओ त्ति भुंजइ, जहा सुहऽत्थी अपत्थमाऽऽहारं । पच्छा विवागकडुयं, सल्लविसोही तहेसा वि ॥४९२०।। दिट्ठा उ जे परेणं, दोसा बियडेइ ते च्चिय न अन्ने । सोहिभया जाणंतु व, एसो एयाऽवराहो ति ॥४९२१।। मोहेण मोहियमई, अद्दिट्ट' सम्वहा निगृहे तो। आलोएइ जं तं, तईओ आलोयणादोसो
॥४९२२॥ जह वालुयाए अवडो, पूरइ उक्कीरमाणओ चेव । तह कम्माऽऽयाणकरी, सल्लविसोही इमा होइ ॥४९२३॥
१ निसट्ट% प्रचुरम् ।
॥३८२॥
