________________
संवेगरंगसाला
यादृशेन आलोचना देया इति द्वारम् ।
आलोयणारिहेसो, उस्सग्गध्ववायओ विणिदिहो। सा जारिसेण देया, तारिसयं संपयं वोच्छं ॥४९००|| जाइकुलविणयनाणे, दंसणचरणेहिं होइ संपन्नो। खंतो दंतो अमाई, अपच्छयावी य बोधव्यो ॥४९०१॥ जाईकुलसंपन्नो, पायमऽकजन सेवइ कहिं चि । आसेविउंच पच्छा, तग्गुणओ सम्ममाऽऽलोए ॥४९०२॥ विणएण उ संपन्नो, निसेजकिइकम्ममाऽऽइविणएणं । आलोएइ जहुत्तं, सुद्धसहावो सयं पावं ॥४९०३।। नाणेण उ संपन्नो, दोसविवागं वियाणि घोरं । आलोएइ सुहं चिय, पायच्छित्तं च अवगच्छे ॥४९०४॥ सुद्धो अहं ति सम्म, सद्दहई दसणेण संपन्नो। चरणेण उ संपन्नो, न कुणइ भुजो तमऽवराहं ॥४९०५।। अवियडिए य चरित्तं, न सुज्झइ मे त्ति सम्ममाऽऽलोए । खेतो आयरिएहि', फरुसं भणिओ वि नो रूसे ॥४९०६।। दंतो समत्थु वो?', पच्छित्तं जमिह दिजए तस्स । न पलिउंचे व अमाई, अपच्छयावी न परितप्पे ॥४९०७॥ एयारिसेण तम्हा, दायवाऽऽलोयणा जइजणेणं । संबिग्गेणऽप्पाणं, कयथमिय मन्त्रमाणेणं ॥४९०८॥ परलोयम्मि अवाया, एएसि दारुण त्ति दोसाणं । धन्नो हं जस्स गुरू, इहेव ते मे विसोहिन्ति ॥४९०९॥ सोहीए अभीएणं, अपुणक्करणुजएण दोसाणं । नो पडिवक्खजुएणं, जमेस भणिओ अजोगो त्ति ॥४९१०॥
आकंपइत्ता १ अणुमाणइत्ता २, जं दिट्ठ'३ बायरं ४ च सुहुमं ५ वा।
छन्नं ६ सदाऽऽउलयं ७, बहुजण ८ .१अव्वत्त ९ तस्सेवी १०॥ [दारगाहा] ॥४९११॥ १ अच्चन्त पाठां० ।
॥३८॥
