________________
संवेगरंगसाला
प्रकुर्वकनिर्वापकयोः स्वरूपम्।
॥३६४॥
अब्भुज्जयचरियाए, उवयारमऽणुत्तरं पकुव्वंता । सव्वेण आयरेणं च, सव्वसत्तीए भत्तीए ॥४६७३॥ अप्पपरिस्सममऽगणिय, वट्टइ खवगस्स निच्चपडियरणे । जो आयरियो सो खलु, इह होइ पकुव्वओ नाम ॥४६७४॥ खवगो किलामियंऽगो, पडियरणगुणेण निव्वुई लहइ । तम्हा उ निवसियव्य, खवगेण पकुविणो पासे ॥४६७५।। संथारभत्तपाणे, अमणुन्ने अह चिरस्स दिन्ने वा। पडिचरगपमाएण व, सेहाऽऽअसंवुडगिराहिं ॥४६७६।। सीउन्हछहातन्हा-किलामिओ तिव्ववेयणत्तो वा । कुविओ भवेज्ज खवगो, मेरं वा भेत्तुमिच्छेजा ॥४६७७॥ निव्वावएण गणिणा, चित्तं खवगस्स निव्ववेयव्वं । अक्खोभेण खमाए, जुत्तेण पणट्ठमाणेण . ॥४६७८॥ अंगसुए य बहुविहे, नोअंगसुए य बहुविहे चेव । रयणकरंडयभूए, अइनिउणो तह तदऽत्थस्स ॥४६७९।। वत्ता कत्ता य दढं, विचित्तसुयधारओ विचित्तकहो। आओवायविहन्नू , मइसंपन्नो महाभागो ॥४६८०॥ निद्ध महरं हिययंगमं च, आहरणहेउजुत्तं च । कहइ कहं निव्ववओ, समाहिकरणाय खवगस्स ॥४६८१॥ खुहियं परीसहुम्मीहि, साहुपोयं भवोहबुब्भंतं । संजमरयणं निजा-मओ व निज्जावओ धरइ ॥४६८२॥ धीबलकरमाऽऽयहिय, महुरं कन्नाऽऽहुई जइ न देइ । सिवसुहकरिं च तो णं, चत्ता आराहणा होइ ॥४६८३।। ता निजामगसूरी, निव्ववओ चेव होइ खरगस्स । आराहणा वि निव्वा-वगस्स दारेण चेव धुवं ॥४६८४॥ तडपत्तस्साऽवि विचित्त-कम्मपरिणइवसेण खवगस्स तण्हाछुहाऽऽइएहि', अवि होज विसोत्तियाऽऽयं ॥४६८५।। तं पुण पूयाकामो, कित्तीकामो अवन्नभीरू य। निज्जूहणाभएणं, लज्जाए गारवेणं वा
॥४६८६॥
॥३६४॥
