________________
संवेगरंगसाला
साधारणा अनुशास्तिः।
॥३५३॥
पासत्थसयसहस्साओ, हंदि एको वि वरमिह सुसीलो। जं संसियाण दंसण-नाणचेरित्ताणि वइदति ॥४५३७॥ वरमिह कुसीलकयपूयणाओ, संजयकओऽवमाणो वि । पढमाउ सीलविगमो, संपज्जइ न उण इयराओ ॥४५३८॥ कुसलेहिं पसमियं पि हु, कुसीलसंसग्गिमेहबद्दलए । वंतरविसं व कुप्पइ, पुणो वि मुणिणो पमायविसं ॥४५३९।। तम्हा पियदधम्मेहि, वज्जभीरुहि कुणह संसग्गिं । उज्जमइ मंदधम्मो बि, तप्पभावा जओ भणियं ॥४५४०॥ "नवधम्मस्स पाएणं, धम्मे न रमइ मई। वहए सो वि संजुत्तो, गोरिवाऽविधुर धुरं" ॥४५४१॥ संवासं सीलगुगड्ढएहिं, जो संकहं वियड्ढेहि। पीइं अलुद्धबुद्धीहि, कुणइ सो कुणइ अपहियं ॥४५४२।। आसयवसेण एवं, पुरिसा दोसं गुणं च पाति । तम्हा पसत्यगुणमेव, आसयं अल्लिएज्जाह कन्नकडुयं पि पत्थं, परोप्परं वागरेज्ज अट्ठा । कडुओसहं व होही, परिणामे सुदरं तं खु ॥४५४४॥ सगणे व परगणे वा, परपरिवायं च मा करेज्जाह । अच्चाऽऽसायणविरया, होह सया पावभीरू य ॥४५४५।। अन्नं च सब्बहा तह, परिकम्मह अप्पयं पयत्तेण । जह तुम्ह गुणपसूया, कित्ती सव्वत्थ वित्थरइ ॥४५४६॥ एए निम्मलसीला, बहुसुया नयपरा अणुवतावी। करणगुणसुट्ठिय त्ति य, धन्नाणं घोसणा भमइ . ॥४५४७।। एसो य मए तुम्हं, मग्गमज्जाणाण मग्गदेसरओ। चक्खू व अचकखूणं, सुवाहिविहुराण वेज्जो ब्व ॥४५४८।। असहायाण सहाओ, भवगत्तगयाण हत्यदाया य । दिनो गुरू गुणगुरू, अहं च परिमोकलो इन्हि ॥४५४९॥
१ अवद्यभीरुभिः ।
॥३५३॥
