________________
संवेगरंगसाला
IRI
I
महिलासगे दोषाः सुकुमारिकादृष्टान्तश्च ।
॥३४॥
माणुन्नया वि पुरिसा, ओमथिज्जंति दुट्ठमहिलाहिं । जह अंकुसेण करिणो, निसियाविज्जति बलिणो वि ॥४४१२॥ सुव्वंति य महिलऽत्थे, लोगे जुज्झाई बहुपयाराई । भयजणयाई जणाणं, भारहरामायणाऽऽईसु ॥४४१३।। नीयगमाहिं सुपओहराहि, उप्पित्थमथरगई हि । महिलाहिं निन्नयाहि व, गिरि व्व गरुया वि भिज्जति ॥४४१४॥ सुट्ट वि जियासु सुट्ट वि प्रियास, सुट्ट वि परूटपेमामु। महिलासु भुयगीसु व, वीसंभं नाम को कुणइ ॥४४१५।। वीसभनिन्भरं पि हु, उवयाग्परं परूढपणय पि । कविप्पियं पिय झत्ति, निति निहणं हयाऽऽसाओ ॥४४१६।। सीमन्तिणीण सीम, दोसाण लहति नेय विउसा वि । जं गुरुदोसाण जए, ताओ च्चिय हो ति सीमाओ ॥४४१७॥ रमणीयदसणाओ, समालंगीओ गुणनिवद्धाओ। नवमालइमाला इव, हरंति हियय महिलियाओ ॥४४१८।। किंतु महिलाण तासि', दसणसुंदेरजणियमोहाणं । आलिंगणमऽचिरा देइ, वञ्जमालाण व विणासं ॥४४१९।। निक्कवडपेमपरवसमणो वि, सोमालियाए नरनाहो। पंगुलहेउ छुढो, नईए गंगाऽभिहाणाए ॥४४२०॥ तहाहिनयरम्मि वसन्तपुरे, जियसत्तुनराऽहिवो जयपसिद्धो। सोमालियाऽभिहाणा, भजा निप्पडिमरूवा से ॥४४२१॥ दढमऽणुरागपराजिय-हियओ सो तीए सद्धिमऽणवस्य । परिचत्तरञ्जकज्जो, कीलंतो वोलइ कालं ॥४४२२॥ रज्जच विसीयंत, दह मंतीहि तीए सह सहसा। निच्छूढो सो पुत्तो य, तस्स रजम्मि अहिसित्तो ॥४४२३।। जियसत्तू पुण मग्गे, गच्छतो निवडिओ अडविमज्झे । तन्हाऽऽउराए देवीए, मग्गिओ पाणिय पा ॥४४२४॥
ब
॥३४३॥
