________________
संवेगरंगसाला
साधून् प्रति अनुशास्तिः ।
॥३४॥
अतितिक्खो खेयकरो, होहिसि परिभवपर्य अइमिऊ य। परिवारम्मि वि सुदर!, मज्झत्थो तेण होज्ज तुमं ॥४३८५।। सपरावानिमित्तं, संभवइ जहा १असीअपरिवागे। एवं पहू वि ता तयऽणु-वत्तणाए जएज्ज तुमं ॥४३८६।। अणुबत्तणाए सीसा, पायं पाविति जोग्गयं परमं । रयणं पि गुणुकरिसं, पावह परिकम्मणगुणेण ॥४३८७।। अन्नान्नविरुद्वाण वि, जलजलणाऽमयविसाऽऽइयाण जहा । जोगे वि महाजलही, अवियारो चेव पयईए ॥४३८८|| इय बज्झकारणवसु-च्छलतविविहऽतरंगभावेहिं । सुदर! तुम पि निच्च', अविगियरूवो च्चिय हवेज्जा ॥४३८९।। को नाम भणिइकुसलो वि, एत्थ अञ्चभुयप्पभावम्मि । गणहरपए पइपयं, सब्बुवएसे खमो वोत्तुं ॥४३९०।। परमेत्तिय भणामो, जायइ जेणुन्नई पवयणस्म । तं तं विचिंतिऊणं, तुमए सयमेव कायव्वं ॥४३९१।। एवमऽणुसासिउणं, पढम गणनायगं विहाणेणं । अह सेससाहुणो सो, अणुसासइ सुयविहीए जहा ॥४३९२॥ हभो देवाऽणुपिया!, पियापिएमु समत्थविसएसु। होज्जाह मा हु तुब्भे, कया वि रागप्पओसपरा ।।४३९३।। होज्जाह अप्पमत्ता, मज्झायऽझायणझाणजोगेसु । अन्नेसु वि समणजणो-चिएसु किच्चेसु निच्चरया ॥४३९४|| जहवाइणो तहाका-रिणो वि होजाह मा य होजाह । निग्गंथे पावयणे, परिसिदिलमणा मणाग' पि ॥४३९५॥ कुणह पमार्य माऽऽवस्सएसु, संजमतवोविहाणेसु । निस्सारे माणुस्से, दुलहं बोहं वियाणिचा ॥१३९६॥ समिया पंचसु समिईसु, सया वि जिणवयणअणुगयमईया। तिहि गारवेहि रहिया, होह विणिग्गहियदंडाय॥४३९७॥
१ असीअ = असित = अनियन्त्रित ।
॥३४॥
