________________
संवेग
रंगसाला
अशुभभावनानां फलम् तपादिभावनानां नामानि।
॥३०२॥
नाणऽतरेसु चरणऽतरेसु, परतित्थियाण रिद्धिसु य । मोहिजइ जेण जिओ, सो मोहो भन्नइ तहाहि ॥३८७८।। मन्ने परमऽत्थेणं, धम्मो ससरकखगेरुयाऽईण । पूयासक्कारा जेसि, होति लोगे परा एवं ॥३८७९।। सम्भावेण कवडेण, वा वि अन्नयरकुमयविसए जं। लोयस्स मोहमुवजणइ, तं भवे मोहजणणं ति ॥३८८०॥ एयाओ भावणाओ, चरित्तमलिणत्तहेउभूयाओ। अच्चंतदुग्गदुग्गइ-करीओ भणियाओ लेसेण ॥३८८११॥ जो संजओ वि एयासु, अप्पसत्थासु वट्टइ कहंपि । सो तबिहेसु गच्छइ, सुरेसु भइओ चरणहीणो ॥३८८२।। एयाहि अप्पाणं, भावें तो देवदुग्गई जाइ। तत्तो चुओ समाणो, भमइ भवसायरमणंत
॥३८८३॥ ता एयाओ दूरेण, वजिउ' भावणाओ भावेइ । सुपसत्थाओ सम्म, निस्सगो सव्वस गेसु ॥३८८४॥ तवभावणा' य सुयरे सत्त३, भावणेगत्तभावणा४ चेय। धीइबलभावणा वि य५, इय ताओ भवंति पंचविहा ॥३८८५।। तवभावणाए प'चेन्दियाणि, दंताणि जस्स वसमें ति । इंदियजोग्गाऽऽयरिओ, समाहिकरणाणि सो कुणइ ॥३८८६।। मणिनि दियम्मि इंदिय-सुहम्मि सत्तो परीसहपरद्धो । अकयपरिकम्मकीवो, मुज्झइ आराहणाकाले ॥३८८७।। जोगमऽकारिज'तो, आसो सुहलालिओ चिर काल । रणभूमीए वाहिज-माणओ जह न कजकरो ॥३८८८।। पुव्वमऽकारियजोगो, समाहिकामो तहा मरणकाले । न भवइ परीसहसहो, विसयसुहपरम्मुहो जीवो ॥३८८९॥ सुयभावणाए नाण, दंसणतवसंजमं न परिणमइ । तो उवयोगपइन्न', सुहमऽव्वहिओ समाणेइ ॥३८९०॥ जयणाए जोगपरिभावियस्स, जिणवयणमऽणुगयमइस्स। परिणामो न भविस्सइ, घोरे वि परीसहाऽऽवाए ॥३८९१॥
१ अव्यथितः ।
॥३०२॥
